Astronomia Centro de Yebes
| Astronomia Centro de Yebes | |
| Observatorio | |
 Radioteleskopo ARIES XXI
| |
| Oficiala nomo: Centro Astronómico de Yebes | |
| Kromnomo: CAY | |
| Lando |  Hispanio
|
|---|---|
| Municipo | Yebes (Gvadalaĥaro) |
| Supermara alteco | 980 m s. m. |
| Koordinatoj | 40° 31′ 31″ N 3° 5′ 19″ U / 40.52528 °N, 3.08861 °U (mapo) |
| Estiĝo | 1987 |
  Situo de la observatorio en Hispanio
| |
 Vikimedia Komunejo: Astronomical Centre of Yebes
| |
| Retpaĝo: http://astro.aytoyebes.es/index.php/observatorio-astronomico-de-yebes | |
La Astronomia Centro de Yebes estas la plej grava astronomia observatorio de la Instituto Geográfico Nacional[1] kaj ties plej grava centro de disvolvo. Ĝi estis establita la 4-an de decembro 1987 en la municipo Yebes (provinco Gvadalaĥaro) sur ebenaĵo alta je 980 msm, kie estas malmulte da precipitaĵo kaj malmulte da vento.
Instrumentoj
[redakti | redakti fonton]Optikaj instrumentoj
[redakti | redakti fonton]La observatorio entenas duoblan astrofotilon, konsistiĝanta el du refraktoroj de 20 cm de aperturo kaj 300 cm de fokusa distanco, kiu utilas por plenumi observojn de kometoj kaj asteroidoj ; kaj unu sunan teleskopon de 15 cm supre de turo alta de 18 m.
Radiastronomiaj instrumentoj
[redakti | redakti fonton]La unua radioteleskopo de Yebes havas parabolan antenon de 13,7 m. de diametro, ĝi estis konstruita en Usono kaj instalita en Yebes en la fino de la 1970-aj jaroj. Sfera radomo de 20 m. de diametro ŝirmas ĝin kontraŭ vento kaj ŝanĝoj de temperaturo. Tiu radioteleskopo estas ankaŭ uzita kaj de naciaj kaj eksterlandaj astronomoj kaj partoprenis al observoj en tre long-baza interferometrio en kunlaboro kun aliaj eŭropaj radioteleskopoj.
La nova radioteleskopo ARIES XXI de 40 m. de diametro, konstruita inter 1999 kaj 2007 estis planita por integriĝi al la eŭropaj kaj tutmondaj retoj de tre long-baza interferometrio, krome ĝi povas funkcii kiel unuopa anteno en vasta gamo da centimetraj kaj milimetraj ondoj.[3]
Gravimetrio
[redakti | redakti fonton]En decembro 2001 estis instalita superkonduktiva gravimetro en la Laboraorio pri Gravimetrio de la Centro Astronómico de Yebes.[4][5]
Laboratorioj
[redakti | redakti fonton]La CAY havas modernajn laboratoriojn de instrumentaro (Amplifilo, riceviloj) kaj estas la bazo de laboro de grupo da teknikistoj kaj inĝenieroj. La partopreno de la Nacia Astronomia Observatorio de Hispanio al la Instituto de milimetra Radioastronomio (IRAM) implikas la aktivan partoprenon de astronomoj kaj inĝenieroj de la CAY en instrumentaj disvolviĝo kaj astronomiaj observoj per radioteleskopoj de IRAM sur la Pinto Veleta (Granado) kaj sur la altebenaĵo de Bure (Grenoblo, Francio).
Centro de Astronomia Eduko
[redakti | redakti fonton]Ĉirkaŭ la observatorio, estas Centro de Astronomia Eduko kun planetario, ĉambro de kurso (Aŭlo de Astronomio), ĉambro de prelego, muzeo kaj malgranda radioteleskopo per kiu lernanto kaj studento povas iniciĝi al la radioastronomio[6]
Notoj kaj referencoj
[redakti | redakti fonton]- ↑ Ĝenerala Subdirektoraro pri Astronomio de IGN, el la paĝaro de la Ministejo pri Disvolvo (hispane)
- ↑ Kodoj de la Observatorioj (Minor Planet Center)
- ↑ La instrumentoj de IGN el la paĝaro de Astronomía (hispane)
- ↑ Prezento de la nova Hispana Gravimetria Stacio ; el Geophysical Research Abstracts Vol. 14 (angle)
- ↑ Resumo de la observoj plenumita dum tri jaroj per superkonduktiva gravimetro Arkivigite je 2017-12-05 per la retarkivo Wayback Machine (hispane)
- ↑ Astronomia Edukejo de Yebes (hispane)
Eksteraj ligiloj
[redakti | redakti fonton]- hispane Astronomía : informoj pri la astronomiaj instalaĵoj kaj laboroj de la Instituto Geográfico Nacional
- hispane Centro Astronomia de Yebes, de la Instituto Geográfico Nacional (PDF)
- hispane Astronomiaj observatorioj en Hispanio
- hispane Astronomia Centro de Yebes, el Turismo Estelar
- hispane Vizito al la Astronomia Centro de Yebes, el AstroAfición Arkivigite je 2017-12-05 per la retarkivo Wayback Machine
- hispane la Astronomia Centro de Yebes modernigas siajn instalaĵojn, el La Crónic@ de Guadalajara 20-a de decembro 2006 Arkivigite je 2017-12-05 per la retarkivo Wayback Machine
- angle Observatorio de Yebes : Estontas Kerna Situejo kaj Stacio por Lazera Distancmezuro Arkivigite je 2017-02-06 per la retarkivo Wayback Machine
- angle Observatorio Yebes, projekto RAEGE Arkivigite je 2018-03-05 per la retarkivo Wayback Machine
