Clarens (Svisio)

Por samtitola artikolo vidu la paĝon Clarens (stacidomo).

Clarens estas malgranda vilaĝo en la municipo de Montreux, en la kantono Vaud, en Svisio.

Clarens famiĝis tra tuta Eŭropo pro la enorma sukceso de la libro La nova Helojzo de Jean-Jacques Rousseau. Kiam li estis en Clarens, la rusa komponisto Igor Stravinski verkis siajn baletojn La konsekro de la printempo kaj Pulĉinelo kaj en Marto 1878, Ĉajkovski verkis sian Violinkonĉerton.

Paul Kruger, heroo de la sendependigo de Sudafriko el Britio, mortiĝis tie. Pro tiu tialo, samnoma vilaĝo Clarens ricevis sian nomon en Sudafriko, nome en la Provinco Liberŝtato. Ankaŭ la anarkiisto kaj geografo Élisée Reclus loĝis en Clarens. La verkisto Vladimir Nabokov estis entombigita tie.

Ankaŭ la verkisto de la 19a jarcento, diplomato kaj MP David Urquhart de Braelangwell, kiu enkondukis la turkan necesejon en Brition, estis entombigita tie.^[1]

• Clarens (stacidomo)
• Planchamp (stacidomo)

• Rescue society on the Geneva Lake "Mon Devoir", section of Clarens^{[rompita ligilo]}

Koordinatoj: 46° 26′ 31″ Nordo 6° 53′ 38″ Oriento / 46.442 °N, 6.894 °O / 46.442; 6.894 (mapo)

• 
  Kastelo Châtelard ĉe Clarens
• 
  Clarens kaj montarvido