La Libro de la Spiritoj

La Libro de la Spiritoj
	La Libro de la Spiritoj
Aŭtoro	Allan Kardec
Eldonjaro	1946
Urbo	Rio-de-Ĵanejro
Eldoninto	FEB
Paĝoj	480
	v • d • r

La Libro de la Spiritoj
skribita verko
Aŭtoroj
Aŭtoro	Allan Kardec
Lingvoj
Lingvo	franca lingvo
Eldonado
Eldondato	1857
Ĝenro	filozofio • spiritualismo
	v • d • r

La Libro de la Spiritoj (franclingve Le Livre des Esprits) estas la unua spiritisma verko. Ĝi aperis en la 18-a de aprilo 1857, en Parizo, en la franca lingvo, fare de Allan Kardec, pseŭdonimo de la franca edukisto Hippolyte Leon Denizard Rivail (1804-1869). La unua eldono konsistis el 501 demandoj, dividitaj je tri partoj. En marto 1860 la Spiritisma Revuo anoncis la disvendon de la dua eldono, tute refandita kaj ampleksigita, enhavanta 1019 demandojn, dividitajn je kvar partoj. Tiu eldono fariĝis definitiva.^[1]

Resumo

Laŭ la unua paĝo de la libro, ĝi estas "Spiritualisma Filozofio" kaj enhavas "la Principojn de la Spiritisma Doktrino pri la senmorteco de la animo, la naturo de la Spiritoj kaj ties rilatoj kun la homoj, la moralaj leĝoj, la nuntempa vivo, la estonta vivo kaj la estonteco de la homaro, laŭ la instruado donita de la Superaj Spiritoj pere de pluraj mediumoj, kolektitajn kaj ordigitajn de Allan Kardec". Al Esperanto tradukis ĝin el la franca originalo la akademiano Luiz da Costa Porto Carreiro Neto (1895-1964), en la 31-a de januaro 1943 en Rio-de-Ĵanejro. Tamen la tradukaĵo aperis nur tri jarojn post tiu dato, en 1946, fare de Brazila Spiritisma Federacio, ĉar la traduko estis farita por konkurso, kaj ĝia juĝado postulis longan tempon. La juĝintoj, s-roj Antonio Caetano Coutinho (1879-1970) kaj Carlos Domingues (1896-1974) komparis ĉiun frazon de la originalo kun ĉiu el la tri plej bonaj tradukoj al ili prezentitaj. La du aliaj tradukoj, juĝitaj ankaŭ bonaj kaj premiitaj, estis faritaj de Iŝmael Gomes Braga (1891-1969), en Rio-de-Ĵanejro, kaj Victor Luís Cao, en Montevideo. La Libro de la Spiritoj kune kun La Libro de la Mediumoj, La Evangelio laŭ Spiritismo, La Ĉielo kaj la Infero kaj La Genezo konsistigas la kvin bazajn verkojn de spiritismo.

Priskribo

Tiu priskribo koncernas la Esperantan version.

Titolo	La Libro de la Spiritoj (franclingve Le Livre des Esprits).
Aŭtoro	Allan Kardec.
Tradukinto	Porto Carreiro Neto (el la franca).
Dato	la 18-an de aprilo 1857 (unue publikigita franclingve), la 31an de januaro 1943 (Esperantigita), 1946 (1a eldono en Esperanto), novembro 1989 (2a eldono). Ĝi atingis la 3an eldonon en Esperanto.
Eldonejo	Brazila Spiritisma Federacio (esperanta versio).
Loko	Rio-de-Ĵanejro (1a eldono en Esperanto)
Kategorio	Filozofio, Religio, Scienco, Spiritualismo, Spiritismo.
Lingvo	Originale franclingva; Esperanto.
Formato	13 x 18 cm (esperanta versio).
Paĝoj	480 (esperanta versio).
Preso	Bindita, kolora kovrilo

Enhavo

La Libro de la Spiritoj estas dividita je kvar partoj, krom la enkonduko (de Allan Kardec), la antaŭparolo (de iuj spiritoj) kaj prezento farita de la tradukinto.

Prezento (de la tradukinto)
Enkonduko (de Allan Kardec)
Antaŭparolo (de iuj spiritoj, nome Sankta Johano, la Evangeliisto, Sankta Aŭgusteno, Sankta Vincento de Paŭlo, Sankta Ludoviko, Spirito de Vero, Sokrato, Platono, Fénelon, Franklin, Swedenborg k.a.)

UNUA PARTO – Primaraj kaŭzoj

ĈAPITRO I – Dio

Dio kaj la Senfino
Pruvoj pri la ekzisto de Dio
Atributoj de Dio
Panteismo

ĈAPITRO II – Ĝeneralaj elementoj de la universo

Konado de la principo de la ekzistaĵoj
Spirito kaj materio
Proprecoj de la materio
Universa spaco

ĈAPITRO III – La Kreado

Formado de la mondoj
Formado de la vivantaj estaĵoj
Loĝatigo de la Tero. Adamo
Diverseco de la homaj rasoj
Plureco de la mondoj
Konsideroj kaj konsentaj asertoj en la Biblio pri la mondkreado

ĈAPITRO IV – La vivoprincipo

Organaj kaj neorganaj estaĵoj
Vivo kaj morto
Intelekto kaj instinkto

DUA PARTO – La mondo de la Spiritoj

ĈAPITRO I – Pri la Spiritoj

Origino kaj naturo de la Spiritoj
Primitiva normala mondo
Formo kaj ĉieestado de la Spiritoj
Perispirito
Diversaj ordoj da Spiritoj
Spirita hierarkio
- Tria ordo — Neperfektaj Spiritoj
- Dua ordo — Bonaj Spiritoj
- Unua ordo — Puraj Spiritoj
Progresado de la Spiritoj
Anĝeloj kaj demonoj

ĈAPITRO II – Enkarniĝo de la Spiritoj

Celo de la enkarniĝo
Pri la animo
Materialismo

ĈAPITRO III – Reveno el la enkorpa vivo al la spirita vivo

La animo post la morto; ĝia individueco. La eterna vivo
Disiĝo de la animo je la korpo
Spirita konsterniteco

ĈAPITRO IV – Plureco de la ekzistadoj

Pri la reenkarniĝo
Justeco de la enkarniĝo
Enkarniĝo en la diversaj mondoj
Iompostioma transmigrado
Sorto de la infanoj post la morto
Sekso de la Spiritoj
Parenceco, genealogia deveno
Fizikaj kaj moralaj similaĵoj
Denaskaj ideoj

ĈAPITRO V – Konsideroj pri la plureco de la ekzistadoj

ĈAPITRO VI – La spirita vivo

Vagantaj Spiritoj
Provizoraj mondoj
Perceptoj, sensacoj kaj suferoj de la Spiritoj
Teoria studo pri la sensacoj de la Spiritoj
Elekto de la provoj
Transtombaj interrilatoj
Simpatiaj kaj antipatiaj rilatoj inter la Spiritoj. "Eternaj duonoj"
Memoro pri la enkorpa ekzistado
Solenoj memore de la mortintoj. Funebraj ceremonioj

ĈAPITRO VII – Reveno al la enkorpa vivo

Unuaj fazoj de la reveno
Kuniĝo de animo kun korpo. Aborto
Moralaj kaj intelektaj kapabloj de la homo
Influo de la organismo
Idioteco, frenezeco
Pri la infanaĝo
Surteraj simpatioj kaj antipatioj
Forgeso pri la pasinteco

ĈAPITRO VIII – Liberiĝo de la animo

La dormo kaj la sonĝoj
Spiritaj vizitoj inter vivantaj personoj
Kaŝita transiĝo de la penso
Letargio, katalepsio, ŝajnaj mortoj
Somnambulismo
Ekstazo
Duobla vidado
Teoria resumo pri somnambulismo, ekstazo kaj duobla vidado

ĈAPITRO IX – Agado de la Spiritoj en la korpa mondo

Penetrado de la Spiritoj en nian penson
Kaŝita influo de la Spiritoj sur niajn pensojn kaj farojn
Demonposeditoj
Konvulsiuloj
Sindonemo de la Spiritoj al iuj homoj
Gardantaj anĝeloj. Protektantaj, familiaraj aŭ simpatiantaj Spiritoj
Antaŭsentoj
Influo de la Spiritoj sur la okazojn de la vivo
Agado de la Spiritoj ĉe la naturaj fenomenoj
La Spiritoj dum la bataloj
Kontraktoj
Kaŝita potenco. Talismanoj. Sorĉistoj
Beno kaj malbeno

ĈAPITRO X – Okupoj kaj misioj de la Spiritoj

ĈAPITRO XI – La tri naturaj regnoj

La mineraloj kaj la vegetaĵoj
La bestoj kaj la homo
Metempsikozo

TRIA PARTO – Moralaj leĝoj

ĈAPITRO I – Dia aŭ natura leĝo

Karakteroj de la natura leĝo
Origino kaj konado de la natura leĝo
Bono kaj malbono
Divido de la natura leĝo

ĈAPITRO II – I. Leĝo de adorado

Celo de la adorado
Ekstera adorado
Kontemplavivo
La preĝo
Politeismo
Oferoj

ĈAPITRO III – II. Leĝo de laboro

Neceso de laboro
Limo de laboro. Ripozo

ĈAPITRO IV – III. Leĝo de reproduktado

Loĝantaro de la terglobo
Sinsekvado kaj perfektiĝo de la rasoj
Malhelpoj al la reproduktado
Edzeco kaj fraŭleco
Poligamio

ĈAPITRO V – IV. Leĝo de memkonservado

Instinkto de memkonservado
Rimedoj por memkonservado
Ĝuado de surteraj riĉaĵoj
Necesaĵoj kaj superfluaĵoj
Memvolaj sindetenoj. Pentabstinoj

ĈAPITRO VI – V. Leĝo de detruado

Necesa detruado kaj ekscesa detruado
Detruantaj malfeliĉegoj
Militoj
Hommortigo
Krueleco
Duelo
Puno de morto

ĈAPITRO VII – VI. Leĝo de socio

Neceso de la societa vivo
Izolvivado. Silentpromeso
Familioligiloj

ĈAPITRO VIII – VII. Leĝo de progreso

Natura stato
Irado de la progreso
Degenerintaj popoloj
Civilizacio
Progreso de la homa leĝaro
Influo de Spiritismo sur la progreson

ĈAPITRO IX – VIII. Leĝo de egaleco

Natura egaleco
Malegaleco de kapabloj
Sociaj malegalecoj
Malegaleco de riĉecoj
Provoj de riĉeco kaj de mizero
Egaleco de rajtoj de viro kaj de virino
Egaleco antaŭ la tombo

ĈAPITRO X – IX. Leĝo de libereco

Natura libereco
Sklaveco
Libereco de pensado
Libereco de konscienco
Libera volo
Fatalo
Konado de la estonteco
Teoria resumo pri la instigilo de la homaj agoj

ĈAPITRO XI – X. Leĝo de justeco, amo kaj karitato

Justeco kaj naturaj rajtoj
Rajto de propreco. Ŝtelo
Karitato kaj amo al proksimulo
Patrina amo kaj fila amo

ĈAPITRO XII – XI. Morala perfekteco

Virtoj kaj malvirtoj
Pasioj
Egoismo
Karakterizaĵoj de la virta homo
Konado de si mem

KVARA PARTO – Esperoj kaj konsoloj

ĈAPITRO I – Surteraj suferoj kaj ĝuoj

Relativaj feliĉo kaj malfeliĉo
Perdo de amataj personoj
Elreviĝoj. Nedankemo. Rompitaj korligiĝoj
Antipatiaj kuniĝoj
Timo antaŭ la morto
Naŭzo pri la vivo. Memmortigo

ĈAPITRO II – Estontaj suferoj kaj ĝuoj

La nenio. Estonta vivo
Intuicio pri la estontaj suferoj kaj ĝuoj
Partopreno de Dio en la punoj kaj rekompencoj
Eco de la estontaj suferoj kaj ĝuoj
Materiaj suferoj
Kulpelpago kaj pento
Daŭro de la estontaj suferoj
Reviviĝo de la karno
Paradizo, infero kaj purgatorio
Konkludo

Recenzoj

„ Niaj amikoj en Brazilo per publika konkurso strebis al perfekta traduko de fama libro, kiun ili alte taksas. Ĉi tiu, la premiita traduko, estas en Esperanta teksto klara, nekomplika, kaj flua —vera klasikaĵo. La volumo estas bone presita sur dika papero, ĉiurilate la verko estas unu pri kiu nia movado povas fieri.

La ĉefa parto konsistas el pli ol mil demandoj pri la naturo kaj celo de vivo, faritaj de Allen Kardec, Franca sciencisto kaj filozofo. Li diras (p. 109) “La unua kondiĉo de doktrino estas ĝia logikeco”, kaj liaj ankoraŭ aktualaj demandoj celas logike esplori la faktojn pri vivado antaŭnaskiĝa, nuna, kaj postmorta. La respondoj estas donitaj de spiritaj komunikantoj dum seancoj, ĉirkaŭ la jaro 1855. La libro mem parolu. “La instruado de la spiritoj estas eminente kristana, ĉar ĝi apogas sin sur senmorteco de la animo, sur la estontaj suferoj kaj rekompencoj, sur la justeco de Dio, sur la libera volo de homo, kaj sur la moralo de la Kristo ; tiu instruado ne estas do kontraŭreligia” (164). Tamen, la vorto “kristana” inkluzivas ankaŭ pluajn dogmojn. Konforme al la homaranisma idealo ni legas (161) : “La spiritisma doktrino ampleksas pli vastajn horizontojn : por ĝi ne ekzistas pluraj specoj de homoj ; ekzistas nur homoj, kies spiritoj estas pli aŭ malpli progresintaj, sed povantaj antaŭenpaŝi.” (531) “La bonaj spiritoj predikas nur unuiĝon kaj arnon al la proksimulo". (398) “Materialismo estas unu el la kanceroj de la socio." (451) “Egoismo estas fonto de ĉiuj malvirtoj.” Tio estas la morala bazo de la instruado.

Sed ĉia agado de la spirito estas traktata en la libro, kaj ĝi ebligas videti la grandan planon kaj leĝaron de la universo. Legante, ekzemple, pri la konsterniteco sekvanta la morton ĉe iu nescianta pri postmortaj cirkonstancoj (128-130) —tiel trafe konfirmita en jus eldonita verko de Aerĉefmarŝalo Lordo Dowding —oni konstatas, ke le [tiel] temo ja indas studon. Tiurilate, bonega konsilo estas (164) “ne devas esti blinde akceptata ĉio, kio venas de la spiritoj". Studante la libron, memoru, ke la fina vorto pri tiu senlima temo neniam estos verkita. Tamen ne malatentu ĝian peton (513) : “ĝin serioze leginte, diru, el la fundo de via animo kaj konscienco, ĉu vi tie trovas ion mokindan". ”

— H. W. Holmes. La Brita Esperantisto - Numeroj 501-502 jan-feb 1947.

Referencoj

↑ Laǔ la libro Historia kaj Doktrina Panoramo de la Spiritisma Kodigado, publikigita en Brazilo, en 2007, memeldono de Urba Spiritisma Alianco de Uberlândia

Eksteraj ligiloj

Portalo pri Spiritismo

[1] Laǔ la libro Historia kaj Doktrina Panoramo de la Spiritisma Kodigado, publikigita en Brazilo, en 2007, memeldono de Urba Spiritisma Alianco de Uberlândia

[1]