Batman (Turkia)

Batman
hiria
Irudi gehiago
Administrazioa
Herrialdea	Turkia
Probintzia	Batman
Izen ofiziala	Êlih
Posta kodea	72000
Geografia
Koordenatuak	37°53′N 41°08′E / 37.88°N 41.13°E / 37.88; 41.13
Altuera	550
Demografia
Biztanleria	445.874 (2020) 26.357 (2018)
Informazio gehigarria
Ordu eremua	UTC+03:00
http://www.batman.bel.tr/

Batman (kurdueraz: Êlih) Turkiako hiri bat da, Anatolia Hego-ekialdeko Eskualdekoa, eta izen bereko Batman probintziako hiriburua. 2008. urteko erroldan 313.355 biztanle zeuden.

Petrolioa ekoizten duten gune garrantzitsua da, eta Batmango findegietan egunero 22.000 petrolio-barril inguru ekoizten dituzte.

Hiria itsasotik 540 metro ingurura dagoen meseta batean kokatuta dago, Batman eta Tigris ibaiek bat egiten duten lekutik hurbil.

Aireportua daukate, eta militarren basea ere badago: hegazkinek eta helikopteroek erabiltzen zuten Golkoko Gerran.

XX. mendeko 50eko hamarkadara arte Batman Iluh izeneko herria zen, 3.000 biztanle ingurukoa. 40ko hamarkadan petrolio-putzuak aurkitu zituztenetik herria arin hazten eta garatzen hasi zen. 1957. urtean Batman izena ipini zioten herriari, ibaiarena hain zuzen, eta hiri-izaera eman zioten, baita barrutiko hiri nagusitzat hartu ere. Eraikuntza eta biztanleria nabarmen hazi ziren hurrengo 50 urteetan.

1967. urtean petrolioa garraiatzeko 511 km-ko hobia egin zuten Batman hiritik Dörtyol itsas portua zuen hiriraino. 1990. urtean Batman probintziako hiriburu izendatu zuten.

Diru-iturri nagusi den petrolioaz gain, Batmanen elikagaigintza (edariak eta prestatutako janariak), altzarigintza, oinetakogintza, eta makineria, produktu kimikoak, eta garraio-ekipamendua ekoizten da.

2007. urtean Batmango Unibertsitatea ireki zuten hirian, eta Erasmus programako partaide da harrezkero.

Datu klimatikoak (Batman)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	16.4	23.5	30.6	35.8	38.5	43.0	46.5	45.4	43.8	37.0	28.3	22.6	'
Batez besteko tenperatura maximoa (°C)	7.6	10.8	15.9	21.7	27.7	34.9	39.6	39.2	34.5	26.6	16.8	9.6	23.7
Batez besteko tenperatura minimoa (°C)	-1.6	0.2	3.9	8.3	11.9	16.6	20.8	20.1	15.3	7.1	5.3	0.4	9
Erregistraturiko tenperatura minimoa (°C)	-24.0	-16.0	-17.0	-9.0	0.9	5.7	11.8	11.5	4.4	-3.0	-6.4	-23.0	'
Pilatutako prezipitazioa (mm)	56.3	66.3	74.7	68.5	40.1	8.8	0.9	2.2	4.1	28.2	55.7	62.2	468
Euri egunak (≥ 1 mm)	11.0	10.7	11.5	11.4	7.8	2.4	0.5	0.4	1.0	5.8	8.1	10.4	81
Eguzki orduak	102.3	123.2	176.7	219	297.6	357	381.3	356.5	303	220.1	153	93	2782.7
Hezetasuna (%)	80	78	70	66	63	41	29	30	34	54	71	81	58.1
Iturria (1): Devlet Meteoroloji İşleri Genel Müdürlüğü [1]
Iturria (2): Weatherbase [2]