Douglas C-47

Douglas C-47
	Douglas DC-3a eta land-based airlifter monoplane (en)
	Irudi gehiago
Fabrikazioa
Fabrikatzailea	Douglas (en)
Ekoizpen osoa	10.174
Jatorrizko herrialdea	Ameriketako Estatu Batuak
Historia
Lehen hegaldia	1941eko abenduaren 23a
Kudeatzailea	Ameriketako Estatu Batuetako Aire Armada, Ameriketako Estatu Batuetako Itsas Armada, Royal Air Force, Royal Canadian Air Force (en) , Rhodesian Air Force (en) eta Luftwaffe
Ezaugarriak
Dimentsioak	5,16 () × 19,64 () m ;
Autonomia	2.400 km

Douglas C-47 Skytrain edo Dakota Douglas Aircraft Company konpainiak Bigarren Mundu Gerran Douglas DC-3tik abiatuta garatu zuen garraio militarreko hegazkin bat da. Bere ezberdintasun nagusia objektu handiak sartzea eta paratxutariek jauzi egitea ahalbidetzen zuen atzealdeko ate handia zen. 1945 arte, hamar mila hegazkin baino gehiago ekoitzi ziren AEBetako Long Beach, Oklahoma eta Santa Monicako lantegietan. C-47a ezinbesteko garraioa izan zen indar aliatuen operazio askotarako, bereziki Ozeano Barean Japoniaren aurka egin zirenetarako. C-53 bertsio eraldatua Europan paraxutistak garraiatu eta planeatzaileak erremolkatzeko erabili zen. 1944an C-47ak Bastognego guduan harrapatuta zeuden estatubatuar tropei hornigaiak jaurtitzeko erabili ziren.

Gerraren ondoren, milaka hegazkin soberakin mundu guztian erabilera anitzetarako erabili ziren, batez ere herrialde txiroetan, non oraindik hegan egiten jarraitzen duten. Kargaontzi, pasaiari garraio eta baita hidrohegazkin bezala ere erabiliak izan ziren.

Bere tripulazioa 3 pertsonek osatzen zuten (pilotua, kopilotu eta nabigatzailea) eta 28 paraxutistentzako edo 2,7 karga tonako edukia zuen 31 metro kubikorainoko bolumenarekin.

Douglas AC-47 Spooky garraioko C-47aren bertsio eraldatu bat da, Ameriketako Estatu Batuetako Aire Armadak Vietnamgo gerran kanoiontzi bezala erabili zuena.

Operatzaileak

Espezifikazioak

Ezaugarri orokorrak

Tripulazioa: 3
Edukia: 28 soldadu
Karga: 2700 kilo
Luzera: 19,43 metro
Zabalera: 29,41 metro
Altuera: 5,18 metro
Hego hedadura: 91,70 metro karratu
Pisua hutsik: 8226 kilo
Pisua kargatuta: 11.793 kilo
Gehienezko pisua aireratzean: 14.061 kilo
Motoreak: 14 zilindroko 2 Pratt & Whitney R-1830-90C Twin Wasp motore erradial
- Potentzia: 895 kilovatio bakoitzak
Helizeak: Hiru palako bat motore bakoitzeko.