Edukira joan

E formula

Wikipedia, Entziklopedia askea
E formula
Irudia
2016ko maiatzaren 21a
Motaautomobile racing series (en) Itzuli
Indarraldi2014 - 
AntolatzaileaNazioarteko Automobilismo Federazioa
KirolaMotor-kirol
Webgunefiaformulae.com
IMDB: tt7452110 Facebook: fiaformulae Twitter: FIAformulaE Instagram: fiaformulae Youtube: UC-DuRqsBQOEk_5o1q4Ze-Fg Edit the value on Wikidata

E Formula urtero Nazioarteko Automobilismo Federazioarekin (FIA) batera antolatzen duen eserleku bakarreko ibilgailu elektrikoen kategoria bat da. ABB E Formulako munduko txapelketa, gaur egun, eserleku bakarreko ibilgailu elektrikoen lehiaketa handiena da. Hasiera batean, ibilgailu elektrikoak ikertzeko eta garatzeko laborategi gisa erabiltzeko sortu zen, baita ibilgailu horiek sustatzeko eta haien ospea bizkortzeko ere. Berrikuntzen eta garapenaren erakusleiho ere bada, teknologia eta kirola uztartzen dituen esparru batean.[1]

2014ko irailetik 2015eko ekainera bitartean egin zuen inaugurazio denboraldia. Lehen txapelketa horretan, McLarenek hornitu zituen eserleku bakarreko motor, transmisio eta sistema elektroniko guztiak, baina bigarren ediziotik aurrera, bakoitzak bere motorra muntatzen du.[2] Dallarak txasisak eraikitzen ditu (Spark Racing Technologyk diseinatutakoak), Michelin da pneumatikoen hornitzaile bakarra.[3][4] Denboraldiek aurrera egin ahala, automozio talde ugarik bere taldea jarri zuen kategorian. 9. denboraldian, 2022/2023an, ABBk ibilgailu elektrikoak kargatzeko teknologia hornitu du.[5]

FIAren superlizentziarako puntu gehien ematen dituen txapelketetako bat da: 30, 25 eta 20 ematen die lehen hiru sailkatuei, hurrenez hurren.[6]

Historia

[aldatu | aldatu iturburu kodea]

Jean Todtek, automobilismoa zuzentzen duen munduko erakundeko (Nazioarteko Automobilismo Federazioa) presidenteak, hirian plaza bakarreko auto elektrikoen lasterketa txapelketa bat egiteko proposamena egin zuen. Proiektua Alejandro Agag eta Antonio Tajaniri aurkeztuko zien 2011ko martxoaren 3an, Parisko jatetxe txiki bateko afarian.[7][8][9] Tajani autogintzaren industriaren elektrifikazioan, karbono dioxidoaren isurien murrizketan eta sistema hibrido eta elektrikoen saretzean kontzentratu zen. Agagek Todten proposamena babestu zuen, azken horrek FIAk txapelketa antolatzeko lizitazio bat irekitzearen inguruan hitz egin ostean. Agagek Todti esan zion bere gain hartuko zuela lan hori, aurretik telebista kateekin kontratuak negoziatzen, babesletza eta marketina egiten izandako esperientziagatik.[10]

2020-21 denboralditik, E Formula FIAren munduko txapelketa bihurtu zen, eta, ondorioz, 1 Formulatik kanpoko eserleku bakarreko lasterketen lehen seriea da munduko txapelketa estatusa lortzen.[11]

Erreferentziak

[aldatu | aldatu iturburu kodea]
  1. ↑ «El hogar oficial de la Formula E» FIA Fórmula E.
  2. ↑ «Los motores para Fórmula E, de McLaren» Autopista.
  3. ↑ Mckiwen. (2013-03-07). «Dallara construirá los chasis de los monoplazas para la Fórmula E» Motorpasión.
  4. ↑ «Fórmula1 - Motorpasión» www.motorpasion.com.
  5. ↑ ABB SUMINISTRARÁ TECNOLOGÍA DE CARGA PARA LOS AUTOMÓVILES GEN3 DE LA FORMULA E. .
  6. ↑ «Appendix L to the International Sporting Code» FIA 2019.
  7. ↑ Carp, Sam. (2018-02-02). «Electrified: Alejandro Agag on Formula E's path to the podium» SportsPro.
  8. ↑ Sam, Mallinson. (2017-04-13). From Dream to Reality: Formula E was born in Paris. FIA Formula E Championship.
  9. ↑ Chowdhury, Saj. (2014-09-10). «Formula E: Does it have a future in a world dominated by F1?» BBC Sport.
  10. ↑ Kingham, Ben. (13 May 2016). «On the subject of Power» Current E: 40–59..
  11. ↑ Formula E to be given world championship status for 2020–21. BBC 2019-12-03.

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=E_formula&oldid=9880090"(e)tik eskuratuta