Haizagailu

Haizagailua aire-laster bat sortzeko makina da. Airea, gasak edo airean dauden partikula solidoak (hautsa, zerrautsa eta abar) barreiatzeko erabiltzen da. Motor elektriko batek birarazten duen helize edo gurpil hegaldun bat da haizagailua; etxeetan, bulegoetan eta lantegietan erabiltzen da geletako airea barreiatzeko, hedatzeko edo nahasteko. Gehienetan, leku itxi batean airea berritzeko eta mugiarazteko erabiltzen da, aire garbiagoa sarrarazteko eta usain txarrak aldarazteko. 1882an asmatu zuen Schuyler S. Wheeler estatubatuarrak.