Oscar Rodriguez Vaz

Oscar Rodriguez Vaz
	; Irudi gehiago
; Diputatua Eusko Legebiltzarrean
; Diputatua Eusko Legebiltzarrean
; Diputatua Eusko Legebiltzarrean
Bizitza
Jaiotza	Arrasate, 1977ko urtarrilaren 5a (47 urte)
Herrialdea	Gipuzkoa, Euskal Herria
Hezkuntza
Heziketa	Euskal Herriko Unibertsitatea
Hizkuntzak	gaztelania; euskara
Jarduerak
Jarduerak	politikaria eta prentsa arduraduna
Kidetza	PSE-EE
Sinesmenak eta ideologia
Alderdi politikoa	Espainiako Langile Alderdi Sozialista

Artikulu hau politikariari buruzkoa da; beste esanahietarako, ikus «Óscar Rodríguez».

Oscar Rodriguez Vaz^[1] (Gasteiz, Araba, 1977ko urtarrilaren 5a^[2]) PSE-EEko politikaria da, Eusko Legebiltzarreko legebiltzarkide izana VII., VIII. eta IX. legegintzaldietan. Politika Zientzietan eta Administrazioan lizentziaduna (EHU), Gobernu eta Azterketa Politiko Konparatuko espezialista (EHU).^[3]

Bizitza

Gasteizko ospitalean jaio zen arren, sortzez arrasateartzat du bere burua, bere familiarekin Arrasateko San Andres auzoan bizi izan baitzen 16 urte bete arte. Amaren neba batek zuen Arrasateko Herriaren Etxearen (PSEren egoitza) ardura, eta han hartu zuen politikaren kontzientzia. Era berean, euskara apur bat ikasi zuen.^[4]

1993an, aitaren lan aldaketa zela kausa, bere familiarekin batera Gasteiza joan zen bizitzera, eta zekien euskara apurra galdu zuen; geroago berreskuratu eta euskaldun oso bihurtuko zen,^[4] bai eta Berria egunkarian argitaratuko ziren euskarazko hainbat artikulu idatzi ere.

2000tik, PSE-EEren barnean, Arabako Batzorde Exekutiboan aritu zen. 2005etik, PSE-EEko Komite Nazionaleko kide ere izan zen.

Oscar Rodriguez Vazek hiru legealdi egin ditu Eusko Legebiltzarrean, 8 urte guztira. Ganberako PSE-EEko idazkari nagusia, talde parlamentarioaren koordinatzailea izan zen Ibarretxe eta Lopez lehendakarien garaian.^[4]

Arabako PSE-EE alderdiaren barruan sektore kritikoko kide izanik, 2012ko Eusko Legebiltzarrerako hauteskundeetako hautagaien zerrendatik kanpo utzi zuen alderdi horretako Arabako zuzendaritzak.^[5]

Gaur egun, politikan kargurik gabe, alderdi politikoen eta demokraziaren ereduari buruzko doktoretza tesia egiten ari da.^[4]

Erreferentziak

↑ Gaztelaniaz haren izenak eta lehen deiturak azentu grafikoa duten arren, euskarazko artikuluak azentu horiek gabe sinatu ohi ditu: [1]^{[Betiko hautsitako esteka]}, [2]^{[Betiko hautsitako esteka]}, [3]^{[Betiko hautsitako esteka]} eta abar. Gaztelaniazko hainbat testutan ere halaxe ageri da, azenturik gabe, adibidez: [4]^{[Betiko hautsitako esteka]}
↑ «Comisión Ejecutiva: Vocal: Oscar Rodriguez Vaz»^{[Betiko hautsitako esteka]}, Socalistas Alaveses webgunea.
↑ Oscar Rodriguezen legebiltzarkide fitxa, Eusko Legebiltzarraren webgunean.
↑ ^a ^b ^c ^d Mikel ASURMENDI: «Isaias Carrasco izan zuen futbol entrenatzaile», Katebegia bloga, 2013-03-07.
↑ «PSE de Álava relega en sus listas al sector crítico, al dejar fuera a Oscar Rodríguez y Joana Madrigal», Europa Press, 2012-09-07.

Kanpo estekak

Otra Euskadi es posible, Oscar Rodriguezen bloga.

Datuak: Q12265330
Multimedia: Óscar Rodríguez Vaz / Q12265330

[1] Gaztelaniaz haren izenak eta lehen deiturak azentu grafikoa duten arren, euskarazko artikuluak azentu horiek gabe sinatu ohi ditu: [1]^{[Betiko hautsitako esteka]}, [2]^{[Betiko hautsitako esteka]}, [3]^{[Betiko hautsitako esteka]} eta abar. Gaztelaniazko hainbat testutan ere halaxe ageri da, azenturik gabe, adibidez: [4]^{[Betiko hautsitako esteka]}

[2] «Comisión Ejecutiva: Vocal: Oscar Rodriguez Vaz»^{[Betiko hautsitako esteka]}, Socalistas Alaveses webgunea.

[3] Oscar Rodriguezen legebiltzarkide fitxa, Eusko Legebiltzarraren webgunean.

[Katebegia20130307-4] Mikel ASURMENDI: «Isaias Carrasco izan zuen futbol entrenatzaile», Katebegia bloga, 2013-03-07.

[5] «PSE de Álava relega en sus listas al sector crítico, al dejar fuera a Oscar Rodríguez y Joana Madrigal», Europa Press, 2012-09-07.

[1]