Amarillu
El amarillu es un colol que se precibi anti la fotorrecepción duna lus cuya longol de onda dominanti midi entri 574 i 582 nm. Se asemeja a la coloración caraterística dela piel del limón maúru, dela frol del dienti de lión, delas abejas o del oru.
Se alcuentra estandariçau en catálogus de coloris i inventarius cromáticus, sirviendu esti amarillu «estándal» cumu modelu i referenti pa el colol amarillu. El amarillu estándal puei velsi nel recuairu dela derecha, arriba; los valoris que se dan abaju correspondin al mesmu.
La denominación de colol «amarillo» abarca un conhuntu de coloracionis o variantis semejantis al colol estándal, llamas amarillentas.