Michael Efevberha

Michael James Efevberha (jibinaa ko ñalnde 22 lewru bowte hitaande 1984) ko Najeriyaajo-Ameriknaajo, ƴaañoowo basket karallo e nder fedde Hsinchu Toplus Lioneers to Ligue Basket Taiwan (TPBL). O fiyi basket kolees to duɗal jaaɓi haaɗtirde Kaliforni, Irvine e duɗal jaaɓi haaɗtirde dowla Kaliforni, Northridge. O wonii kadi gardiiɗo kippu basket leydi Najeriya, o woniino kapiteen kippu nguu e hitaande 2009 e kawgel FIBA ​​Afrik 2009 ɗo o heɓi 17,4 toɓɓe, 4,1 ƴaañorgal e 2,0 ballal e kala pottital.[1]

E hitaande 2009, Efevberha toɗɗaa ko Gardiiɗo NBL ɓurɗo waawde e nder leydi Nuwel Selannde, o dañii tiitoonde 27,8 toɓɓe e kala pottital. O heɓi ko ɓuri 30 toɓɓe e nder pottital laabi jeetati, o yettiima ko ɓuri 40 toɓɓe e laabi ɗiɗi.[2] Ko kanko ardii Wellington Saints haa semi-finaal, ɗo Nelson Giants fooli ɓe.

Ñalnde 18 noowammbar 2017, Efevberha siifondiri e kippu Israayiil biyeteeɗo Bnei Herzliya ngam tawtoreede daawal 2017-18.[3] Kono ñalnde 27 desaambar 2017, Efevberha seerti e Herzliya caggal nde o yalti e pijirlooji 4.[4] Ñalnde 12 feebariyee 2018, Efevberha siifondirii e kippu Liban biyeteeɗo Beirut Club , caggal nde o fooli e kawgel ngel e Riyadi Beyruut, Mike siifondirii e Homenetmen Beyruut ngam hitaande 2018–2019, Mike siifondirii e kippu sagesse ngam 2019–2020.

Ñalnde 21 noowammbar 2019, o siifondiri e JA Vichy-Clermont Métropole mo Pro B Farayse [5] .

Ñalnde 25 noowammbar 2022, Efevberha siifondirii e Taoyuan Leopards mo Ligue T1.[6] Ko kanko woni hooreejo toɓɓe ligue e hitaande 2022–23.[7]

Ñalnde 22 lewru bowte hitaande 2024, Efevberha siifondiri kadi e fedde wiyeteende Hsinchu Toplus Lioneers to Ligue de Basket Professionnel de Taiwan (TPBL).[8]