ATF-brân (Drachten)

De ATF-brân wie in grutte brân op it yndustryterrein 'de Haven' yn Drachten op 12 maaie 2000 dêr't goed 400 ton gemyske smoargens by yn reek opgie.

Anno 2011 binne der noch altyd minsken dy't hawwe wolle dat har klachten mei sykheljen (medyske oantsjutting: Reactive Airways Dysfunction Syndrome (RADS)) te krijen hawwe mei dy brân. It giet om minsken dy't tichteby de brân in hege konsintraasje reek ynhelle hawwe, sa as brânspuitlju. Der is gjin RADS fêststeld by minsken dy't op gruttere ôfstân wennen of dêr wurke hawwe. Neist RADS binne der minsken dy't sûnt de brân te lijen hawwe fan oandwanings fan de hûd (kontakt-dermatitis) .

De direksje fan Afval Transport Friesland (ATF) waard ein 2010 frijsprutsen fan skuld oan de brân.^[1]