Menachem Elon

Menachem Elon
	;
Beathaisnéis
Breith	1 Samhain 1923; Düsseldorf, An Ghearmáin
Bás	6 Feabhra 2013 ; 89 bliana d'aois; Iarúsailéim
Áit adhlactha	Har HaMenuchot (en)
Deputy President of the Supreme Court of Israel (en)
	26 Aibreán 1988 – 1 Samhain 1993 ; ← Miriam Ben-Porat – Aharon Barak →
Breitheamh de Chúirt Uachtarach Iosrael
	7 Samhain 1977 – 1 Samhain 1993
Faisnéis phearsanta
Reiligiún	Giúdach Ceartchreidmheach
Scoil a d'fhreastail sé/sí	Ollscoil Eabhrach Iarúsailéim ; Hebron Yeshiva (en) ; School of Law and Economics (Tel Aviv) (en)
Céim acadúil	Dochtúir le Dlí
Gníomhaíocht
Réimse oibre	Mishpat Ivri (en) , Halakha (en) , Jewish studies (en) agus dlí-eolaíocht
Suíomh oibre	Ollscoil Eabhrach Iarúsailéim
Gairm	abhcóide dlí, dlíodóir, abhcóide, scoláire dlí, oideolaí, breitheamh, raibí, múinteoir ollscoile, saineolaí dlí
Fostóir	Ollscoil Nua-Eabhrac ; Ollscoil McGill ; Ollscoil Harvard ; Ollscoil Eabhrach Iarúsailéim
Ball de pháirtí polaitíochta	Likud
Mac/iníon léinn de chuid	Hanoch Albeck agus Moshe Zilberg
Teangacha	An Eabhrais agus Béarla
Teaghlach
Páiste	Binyamin Elon, Yoseph Elon, Mordechai Elon, Ari Elon
	Gradam a fuarthas (2001) Yakir Yerushalayim (en) ; (2001) Duais Iarúsailéim; (1997) dochtúireacht oinigh ó Ollscoil Bar-Ilan; (1997) Knight of Quality Government Badge (en) ; (1997) dochtúireacht oinigh ó Ollscoil Yeshiva; (1994) Duais Tzeltner; (1994) National Jewish Book Awards (en) ; (1979) Duais Iosrael; (1978) Katz Award (en) ;

Dlíodóir agus polaiteoir Iosraelach ab ea Menachem Elon (Eabhrais: מנחם אלון‎) (1 Samhain 1923 – 6 Feabhra 2013). Pearsa an-tábhachtach sa ghluaiseacht Mishpat Ivri ab ea Menachem Elon, gluaiseacht a bhíonn ag iarraidh dlí Stát Iosrael a athrú ó bhonn chun cloí leis an Halakha (an dlí Giúdach traidisiúnta).^[1]

Saol

Céimí de chuid Scoil Dlí agus Eacnamaíochta Tel Aviv (Ollscoil Tel Aviv faoi láthair) agus de chuid Ollscoil Eabhrach Iarúsailéim ab ea Elon.

Bhí postanna teagaisc sa dara institiúid ag Elon ó 1955 ar aghaidh agus bhí sé ina Ollamh leis an Dlí Giúdach ansin ó 1972. Ina theannta sin, thugadh sé comhairle d'oifig an Ard Aighne idir 1959 agus 1966 faoin gcomhréir idir dlíthe a bhí molta agus an Halakha.

Ceapadh ar Chúirt Uachtarach Iosrael Elon sa bhliain 1977 agus bhí sé sa phost sin go dtí 1993, agus é ina Leas-Uachtarán uirthi ar feadh na cúig bliana deiridh. Chuaigh sé isteach sa saol acadúil arís tar éis dó éirí as an gcúirt agus ba é an bunaitheoir agus an chéad stiúrthóir ar Choláiste Sha'arei Mishpat (Ionad Acadúil Eolaíocht an Dlí faoi láthair).

Agus Elon ina bhreitheamh, rinne sé iarracht tionchar an Halakha a leathnú níos faide ná na cúirteanna raibíneacha a dhéileálann le pósadh agus colscaradh na nGiúdach in Iosrael, ionas go mbeadh tionchar aige ar réimse níos mó den dlí sibhialta. Go pointe áirithe dá bharr sin, ba mhinic nach raibh sé ar aon fhocal leis an mBreitheamh Aharon Barak, a bhí ar an gCúirt Uachtarach ó 1978 go 2006 agus ina Uachtarán uirthi ó 1995 go 2006.

I bpíosa a scríobh sé sa bhliain 1998, bhreathnaigh An tOllamh Elon ar an gcaoi a n-idirghníomhaíonn an ghné dhaonlathach agus an ghné Ghiúdach de Stát Iosrael (cásanna ina dtugtar tús áite don dara gné ar an gcéad cheann san áireamh) i gcomhthéacs an dlí leighis.^[2]

Polaitíocht

Iarrthóir ar son Likud agus a chuid comhghuaillithe d'uachtaránacht Iosrael sa bhliain 1983 ab ea Elon; is ar éigean a chaill sé an toghchán sin i gcoinne Chaim Herzog, dlíodóir Iosraelach ba mhó le rá eile, a rugadh in Éirinn.

Féach freisin

Chaim Herzog

Tagairtí

↑ Scoil Dlí, COBÁC (2018). "Menachem Elon" (ga). www.facebook.com. Dáta rochtana: 2021-02-06.
↑ Menachem Elon, The Values of a Jewish and Democratic State: The Task of Reaching a Synthesis, in ISRAEL AMONG THE NATIONS (Alfred E. Kellerman et al. eag., 1998).

[1] Scoil Dlí, COBÁC (2018). "Menachem Elon" (ga). www.facebook.com. Dáta rochtana: 2021-02-06.

[2] Menachem Elon, The Values of a Jewish and Democratic State: The Task of Reaching a Synthesis, in ISRAEL AMONG THE NATIONS (Alfred E. Kellerman et al. eag., 1998).

[1]