Achatocarpaceae

Achatocarpáceas
Detalles da flor e froito do Achatocarpus.
Clasificación científica
Reino: Plantae División: Magnoliophyta Clase: Magnoliopsida Orde: Caryophyllales Familia: Achatocarpaceae Heimerl
Xéneros
Achatocarpus Phaulothamnus

As achatocarpáceas (Achatocarpaceae) son unha familia de árbores ou arbustos dioicos ao que pertencen unhas dez especies agrupadas en dous xéneros (Achatocarpus Triana e Phaulothamnus A.Gray, segundo o sistema APG II). En clasificacións máis antigas esta familia incluíase dentro de Phytolaccaceae.

Son plantas con ou sen espiñas; ramas curtas con abundantes follas alternas ou fasciculadas sobre braquiblastos. As flores masculinas presentan 5 sépalos abertos ao florecer e de 15 a 20 estames. As flores femininas con igual número de sépalos erectos arredor do ovario que se encontra nunha posición máis alta ao punto de inserción das restantes pezas da flor. O pistilo complétase con dous estilos apicais longos e curvos. O froito é unha baga carnosa cos sépalos unidos na base. Suponse que a polinización é realizada por aves, pero non existen observacións que o confirmen.

É unha familia propia de América tropical e subtropical. Como exemplo, na Arxentina vive un só xénero (Achatocarpus), con dúas especies e dúas variedades e outro en Paraguai cunhas cinco especies.

• Achatocarpaceae Arquivado 03 de xaneiro de 2007 en Wayback Machine. in L. Watson and M.J. Dallwitz (1992 onwards). The families of flowering plants Arquivado 03 de xaneiro de 2007 en Wayback Machine.
• Flora of North America: Achatocarpaceae

Wikimedia Commons ten máis contidos multimedia na categoría:  Achatocarpaceae

Wikispecies posúe unha páxina sobre:  Achatocarpaceae

• Achatocarpaceae Heimerl Arquivado 03 de xaneiro de 2007 en Wayback Machine. (en inglés).
• Ilustracións Arquivado 22 de setembro de 2012 en Wayback Machine.