Aguapanela

A aguapanela é unha bebida propia de América do Sur e partes de América Central e o Caribe. A mesma é unha infusión preparada a partir de panela a cal se produce co zume da cana de azucre solidificado.^[1][2]

Aínda que existen diversas receitas en América do Sur, é especialmente popular en Colombia e partes do Brasil onde se consome como un té e alternativa ó café. En Ecuador, Chile e o Perú adóitaselle agregar un chorro de limón.

A aguapanela prepárase colocando anacos de panela en auga e revolvendo ata que se disolvan por completo. A bebida sérvese quente ou fría, e a miúdo agrégaselle limón ou lima.^[3] Se se consome quente, ás veces agrégaselle un pouco de leite ou un anaco de queixo no canto de zume de froitas.

En Colombia, o café ás veces é preparado con aguapanela no canto de auga e azucre, o que lle outorga un gusto particular.

Hai quen sosteñen que a aguapanela posúe efectos benéficos sobre a saúde, baseados na crenza que contén máis vitamina C que o zume de laranxa. A crenza popular é que é unha bebida que axuda no tratamento do arrefrío. A aguapanela evolucionou de ser unha bebida consumida pola clase traballadora a ser común en cafetarías en Colombia.

O canelazo é unha versión alcohólica de aguapanela con canela á que se agrega augardente. O vaso no cal se serve posúe o seu bordo azucarado.