John Galliano

John Galliano

(2024)
Biografía
Nacemento	(es) Juan Carlos Antonio Galliano-Guillén 28 de novembro de 1960 (63 anos) Xibraltar, Reino Unido
Educación	Central Saint Martins (pt) Wilson's School (en) Escola de Arte de Saint Martin
Actividade
Campo de traballo	Deseño de moda
Ocupación	diseñador de vestuario, deseñador de moda
Empregador	Maison Martin Margiela, diretor de criação (pt) (2014–) Christian Dior, S. A., diretor de criação (pt) (1996–2011) Givenchy (pt) , diretor de criação (pt) (1995–1996)
Premios
(1 de xaneiro de 2009)  Lexión de Honra (2007)  Globes de Cristal Awards (en) (2002)  Royal Designers for Industry (pt) (2001)  Comandante da Orde do Imperio Británico
Páxina web	johngalliano.com

Jonh Galliano, nado en Xibraltar o 28 de novembro de 1960, é un dos máis influentes deseñadores de moda contemporáneos. Criado en Londres, foi^[1] o deseñador xefe do buque insignia da alta costura francesa, Christian Dior, dende 1997 até 2011, cando foi despedido despois de que saíse nun vídeo facendo comentarios antisemitas.

Naceu baixo o nome de Juan Carlos Antonio Galliano Guillén en Xibraltar de pai xibraltareño e nai española. Mudouse a Londres sendo un neno e comezou os seus estudos na Wilson's School en Wallington. No 1984 graduouse en moda pola Escola de Arte de St. Martin, cunha colección inspirada na Revolución Francesa chamada "Les Incroyables", a cal recibiu positivas críticas e foi vendida na súa totalidade na boutique londiniense "Browns". Logo da súa graduación, crea a marca de roupa baixo o seu nome e empeza a súa carreira como deseñador.

Na década dos noventa, Galliano aséntase en París na procura de apoio financeiro e clientela. No 1995, foi escollido como deseñador de Givenche por Bernard Arnault, dono do holding de produtos de luxo LVMH, converténdose no primeiro deseñador británico en dirixir unha casa de alta costura francesa. Case dous anos despois, o 14 de outubro do 1996, LVMH puxo a John Galliano á fronte de Christian Dior. O seu primeiro desfile concidiu co 50 aniversario da marca parisiense, o 20 de xaneiro de 1997.

Galliano é identificado coa treatralidade e a feminidade como eixos principais na meirande parte dos seus traballos. "A miña labor é seducir" chegou a dicir. Entre as súas musas compre destacar a Charlize Theron, para a cal vai crear vestidos para ocasións especiais como as cerimonias dos Oscar. A actriz surafricana é parte tamén da campaña do perfume "J'Adore", mentres que Riley Kiough, neta de Elvis Presley, é a imaxe do perfume "Miss Dior Cherie".

• Páxina Web Oficial