Marbella

Marbella

Localización
36°30′41″N 4°53′00″O / 36.511364, -4.883442
Estado	España
Comunidade autónoma	Andalucía
Provincia	Provincia de Málaga
Capital de	Costa del Sol Occidental
Capital	Marbella
Poboación
Poboación	156.295 (2023) (1.367,41 hab./km²)
Xeografía
Parte de	Q100593700 Q5991197 Costa del Sol Occidental
Superficie	114.300.000 m²
Bañado por	Mar Mediterráneo
Altitude	22 m
Comparte fronteira con	Benahavís Mijas Ojén Estepona Istán (pt)
Santo padrón	Bernabeu apóstolo
Organización política
• Alcaldesa	María Ángeles Muñoz Uriol (2017–)
Identificador descritivo
Código postal	29600–29604
Fuso horario	UTC+01:00, horario estándar UTC+02:00, horario de verán
Prefixo telefónico	952
Código INE	29069
Outro
Irmandado con	Baler Nevers Punta del Este (pt) Cidade de Kuwait Nabeul Miami Beach (pt) Jeddah Doha Cabourg Roma Kure (1990–) Batumi (2010–)
Páxina web	marbella.es

Marbella é unha cidade e concello da provincia de Málaga, en Andalucía. É a capital da comarca da Costa del Sol Occidental. Está situada á beira do Mediterráneo, entre Málaga e o estreito de Xibraltar e ó carón dos Picos Serra Blanca e Juanar. Segundo os datos do INE a poboación en 2005 era de 124.333 habitantes e a súa extensión de 114,3 km², cunha lonxitude de costa de 26 km.

Marbella é unha das cidades turísticas máis importantes da Costa do Sol e durante a maior parte do ano é centro de atracción do turismo internacional a causa principalmente do seu clima cálido, as súas infraestruturas, a súa cualificada dotación de establecementos de industria hoteleira e os seus recoñecidos campos de golf. A cidade experimentou unha expansión e crecemento continuos ó longo das últimas décadas.

En Marbella existen dous núcleos principais de poboación: Marbella e San Pedro Alcántara. O resto da poboación atópase dispersa en multitude de urbanizacións, entre as que destacan Nueva Andalucía e Las Chapas.

O termo municipal marbellí ocupa unha franxa que se estende ao longo de 27 quilómetros de costa, refuxiada polas ladeiras do Cordón Montañoso Litoral penibético que forman as serras Bermeja, Palmitera, Real, Blanca e Alpujata. Debido á proximidade da serra coa costa, a cidade presenta un gran desnivel entre as zonas norte e sur, propiciando así vistas do mar e a montaña desde case todos os puntos da cidade. O litoral está densamente urbanizado. A maior parte do chan non edificado corresponde a campos de golf ou a pequenas zonas residuais.^[1] Marbella limita ao norte cos municipios de Istán e Ojén, ao noroeste con Benahavís, ao oeste con Estepona, ao leste con Mijas e ao sur co mar Mediterráneo.

O 27 km de litoral do termo de Marbella divídense en 24 praias de diferentes características, aínda que, debido á expansión urbanística do municipio, todas son praias urbanas ou semiurbanas. En xeral trátase de praias de ondada moderada con area dourada ou escura de gran fino, medio ou groso, sendo posible tamén atopar algunha de grava. O grao de ocupación adoita ser alto ou medio, especialmente durante os meses de verán, cando se concentra a chegada de turistas. Entre elas, poden citarse a praia de Artola ou Cabopino, situada na zona protexida das Dunas de Artola, xunto ao porto de Cabopino, por ser unha das poucas praias nudistas de Marbella; as de Venus e La Fontanilla, céntricas e moi frecuentadas; e as de Puerto Banús e San Pedro Alcántara, que contan con bandeira azul. As praias máis famosas de Marbella son, a praia de Puente Romano, as praias de Las chapas como Cabo Pino ou a de Don Carlos, que son praias de area fina e apenas teñen pedras. Logo no centro de Marbella destacan a praia de El Faro, a praia de El Cable e mesmo a praia de Funny Beach que é a que máis próxima ao arco de Marbella. Por último atópase unha das praias máis solicitadas polo turismo, a praia de Porto Banús.

• 1979–1983: Alfonso Cañas Noguera (PSOE)
• 1983–1987: José Luis Rodríguez Sánchez (PSOE)
• 1987–1991: Francisco Parra Medina (PSOE)
• 1991–2001: Jesús Gil y Gil (GIL)
• 2001-2003: Julián Muñoz (GIL)
• 2003–2005: Marisol Yagüe (GIL)
• 2005: Tomás Reñones (GIL)
• 2005-2007: Diego Martín Reyes (Pte. Comisión Gestora, PSOE)
• 2007–2015: María Ángeles Muñoz Uriol (PP)
• 2015-2017: José Bernal Gutiérrez (PSOE)
• 2017-presente: María Ángeles Muñoz Uriol (PP)

Commons ten máis contidos multimedia sobre:  Marbella

• Sitio web oficial Arquivado 24 de febreiro de 2011 en Wayback Machine.