Jai Ram Reddy
| Jai Ram Reddy | |
|---|---|
 Jai Ram Reddy | |
| Janam | 12 May 1937 Drasa, Lautoka, Fiji |
| Maut | 29 August 2022 Auckland, New Zealand |
| Citizenship | Fiji citizen |
| Jaati | Hindustani |
| Citizen | Fiji citizen |
| Parrhai | L.L.B. |
| Parrhai ke jagha | New Zealand |
| Kaam | Lawyer, Kisan ke neta, leader of Opposition |
| Kaam ke saal | 1977 - 1999 |
| Home town | Lautoka, Fiji |
| Jaana jaawe hae | Senator: 1970 - 1977, 1987 Legislative Council ke member, 1977 - 1984, 1992 - 1999 Leader of Opposition: 1977 - 1984, 1992 - 1999 Attorney General: 1987 President, Fiji Court of Appeal: 2000, 2002 - 2003 Ruwanda War Crimes Tribunal: 2003 - |
| Party | National Federation Party |
| Dharam | Hindu |
Jai Ram Reddy (1937-2022) Fiji ke ek Hindustani neta rahaa, jon ki Fiji ke Government ke legislative aur judicial branches me achchha yogdaan diis hae. 1998 me uske Fiji ke sab se barraa award, Companion of the Order of Fiji, uske Fiji ke yogdaan dewe khatir milaa rahaa.
Uu National Federation Party (NFP) ke leader bane ke kaaran, 1977 se 1983 talak, aur fir se 1992 se 1999 talak Fiji ke Leader of Opposition rahaa. Uske baad me Fiji Court of Appeal ke President bhi uske banawa gais rahaa. Uu ii position pe 2000, aur 2002 se lae ke 2003 talak rahaa. 31 January 2003 me uske United Nations General Assembly, International Criminal Tribunal for Rwanda, jon ki huan pe war crimes ke mukadma karat rahaa, ke khatir chuna karis.
Janam aur palwaar
[badlo | source ke badlo]Reddy ke janam Lautoka district, Fiji aspataal me 12 May 1937 me bhais rahaa. Uske pitaji, Pethi Reddy aur amma, Yenkattama Reddy rahis. Uu palwaar me sab se barraa larrka hae aur uske tiin bhaiya aur ek bahini hae. Reddy ke aaja, Byanna Reddy, girmit me India se Fiji aais rahaa. Uu 1903 me Elbe III me Cuddapah district, Andhra Pradesh se aais rahaa. Uske naana bhi wahii jahaaj me North Arcot se aais rahaa.
Reddy, aapan parrhai Lovu Sangam School me suruu karis. Baad me uske Rakiraki ke Penang Sangam School bheja gais jahan pe uu boarding student rahaa. Uu Penang ke nai like karis are dui tiin dafe huan se bhage ke bhi kosis karis rahaa. Uu aapan High school ke parrhai, Sri Vivekananda College me suruu karis aur huan se Junior Cambridge pas karis. 1954 me uu DAV College, Suva gais aur huan pe Senior Cambridge karis, lekin fail hoe gais.
1955 me uu New Zealand gais aur Wellington Technical College se University Entrance karis. Iske baad uu Wellington ke Faculty of Law me wakiili parrhis.
Sikchha aur Wakiili ke suruwaat
[badlo | source ke badlo]1960 me Reddy ke New Zealand aur 1961 me Fiji ke court me mukadma larree ke ijajat mila. 1961 se 1966 talak uu Nadi (town), Fiji, Fiji ke A. D. Patel & Co me Staff Solicitor aur Associate rahaa. 1966 se 1968 talak uu Crown Counsel aur 1968 ae 1970 talak Attorney-General's ke Office me Principal Legal Officer rahaa. Iske baad uu private practice me chal diis aur Lautoka ke Stuart Reddy & Co me senior partner rahaa . 1988 se 1997, uu Lautoka me aapan wakiili apne chalawat rahaa.
References
[badlo | source ke badlo]
 | Ii Fiji ke hindustani log ke baare me article ek chhota panna hae. Aap iske lamba karke Wikipedia ke madat kare saktaa hae. |