Punk rock
| Punk rock |
|---|
| instantia de: genere musical[*] |
| subclasse de: Rock, punk music[*] |
| parte de: punk subculture[*] |
|
|
|
| data de creation: 1975 |
| Commons: Punk rock |
Le Punk rock[1] es un subgenere del musica rock que se emergeva in le medio del annos 1970. Punk rock veniva del garage rock e hard rock del annos 1960 e reagava al tendentias in rock popular durante le prime medio del annos 1970. Le bandas de punk rock usualmente face cantos breve con un tempo rapide, instrumentation simple e energetic, stilos aspere de cantar e parolas rebelle re themas politic e social. Musicos de punk rock etiam ha un attitude rebelle al industria musical; le bandas sovente produceva lor proprie discos e los distribueva per companias discographic independente.
Le phrase era originalmente usate per criticos statounitese de rock pro describer alcun artistas de garage rock, inclusive Iggy Pop e MC5. Le movimento de punk rock se emergeva inter 1974 e 1976. Artistas importante del movimento includeva Television, Patti Smith e Ramones in New York City, The Sex Pistols, The Clash e The Damned in London, The Runaways in Los Angeles e The Saints in Brisbane. Le movimento habeva plus de feminas que movimentos previe de rock, per exemplo Patti Smith e The Runaways. Punk rock deveniva popular in le Regno Unite al fin de 1976. Le musica deveniva associate con le subcultura de punk, su fashiones e ideologias anti-autoritari.
Durante 1977, le influentia de punk rock se diffundeva trans le mundo. Multe scenas local se emergeva, ubi bandas evitava le scenas popular de musica. Al fin del decade, un nove gruppo de artistas se emergeva. Le annos 1980, nove e plus aggressive subgeneres era create. Illos includeva hardcore punk (p.e. Minor Threat), street punk (p.e. The Exploited) e anarcho-punk (p.e. Crass) que deveniva le subgeneres plus popular. Musicas que veniva de punk o era inspirate per illo etiam explorava sonos altere, que causava le elevation de post-punk, new wave e (plus tarde) indie rock, rock alternative, noise rock e alcun subgeneres de metal. Durante le annos 1990, punk se reemergeva in le scena popular per bandas de pop punk, que includeva Green Day, Rancid, The Offspring e Blink-182.