Nocte

Nocte es un parte del die. Li nocte es li parte del die inter li descension del sole til li ascension del sole. Li nocte es li periode del tenebre. Li noctes es brevi durant li estive e long durant li hiverne. Li max long nocte es li solsticie del hiverne e li max brevi nocte es durant li solsticie del estive. Ye li equinoctie li die e li nocte es de egal longore.

Pos que li sole ha desaparit sub li horizonte, li crepuscul comensa e pos to li nocte. Li témpor necessi por que li crepuscul deveni nocte varia de region a region, con plu long crepuscules in regiones plu distant del equator. Durant clar noctes on posse vider al ciel li stelles e li lune.

Por li homes li nocte es normalmen li témpor por dormir. Pro to hay li frase Bon nocte ante que un person ea dormir.

• "Die e nocte in li munde" - Cosmoglotta B, 1943