Baruj Benacerraf

Baruj Benacerraf (lair ing Caracas, Venezuela, 29 Oktober 1920; umur 104 taun) inggih punika salah satunggaling dhokter Venezuela-Amérika Sarékat. Benacerraf mlebet wonten ing studi prasarjana wonten ing Universitas Columbia, pikantuk gelar sarjana nalika taun 1942. Sabibaripun Columbia, piyambakipun mlebet wonten ing Medical College of Virginia ing tlatah Richmond. Setunggal taun candhakipun, piyambakipun kénging wamil wonten ing US Army. Sadangu satunggal taun, nalika ing taun 1945, Benacerraf njabat dados ko-ass wonten ing Queens General Hospital, New York. Nalika taun 1946, piyambakipun dipunangkat minangka Letnan Satu wonten ing US Army Medical Corps lan dipunkintun wonten ing tlatah Jerman; piyambakipun dipunmedalaken ing taun 1947.^[3]

Sabibaripun Perang Dunia II, piyambakipun dipunanugrahi béasiswa wonten ing Fakultas Kedhokteran dan Ilmu Bedah wonten ing Neurological Institute of Columbia University. Saking taun 1950 dumugi taun 1956, Benacerraf pindhah kaliyan kulawarganipun dhateng Paris saperlu mendhet kedudukan wonten ing laboratorium Bernard Halpern ing Rumah Sakit Broussais. Wonten ing taun 1956, piyambakipun kondur malih dhateng Amérika Sarékat minangka asisten guru besar patologi wonten ing Fakultas Kedhokteran New York University. Saking taun 1961, Benacerraf lajeng dados Profesor Patologi wonten ing kampus Universitas New York. Nalika taun 1968, piyambakipun lajeng pindhah dhateng Bethesda, Maryland saperlu pikantuk kalungguhan Direktur wonten ing Laboratorium Imunologi Institut Alèrgi dan Penyakit Menular Nasional. Pungkasanipun wonten ing taun 1970, Baruj Benacerraf dados KaBag Patologi wonten ing Harvard Medical School.^[4]

Piyambakipun wiwit nyinaoni alèrgi wonten ing taun 1948, lan manggihaken gen rèspon imun ingkang maréntahaken "penolakan cangkoq" (1960-an). Nalika taun 1972 piyambakipun nedahaken wontenipun limfosit T lan B.^[5]

Piyambakipun pikantuk Penghargaan Nobèl ing babagan Fisiologi utawi Kadhokteran ing taun 1980 kanggé "penemuan gen kompleks histokompatibilitas mayor ingkang "mengkodekan" molekul lumah sel ingkang wigati kanggé bédakaken sistem kekebalan aktif kaliyan ingkang " sesarengan kaliyan George Snell lan Jean-Baptiste-Gabriel-Joachim Dausset.^[6]

• Présidhèn American Association of Immunologists (1973)
• Présidhèn American Society for Experimental Biology and medicine (1974)
• Présidhèn International Union of Immunological Societies (1980)
• American Academy of Arts and Sciences (1972)
• National Academy of Science, U.S.A. (1973)
• Présidhèn Sidney Farber Cancer Institute (1980)

• Biografi