Casquets

Les Casquets utawa Casquets, (49°43.′4″N 2°22.′7″W / 49.71778°N 2.36861°W / 49.71778; -2.36861) iku siji golongan pulo karang cilik-cilik, watara 13 km lor-kulon Alderney lan minangka péranganing pagunungan watu wedhi sajeroning sagara. Pérangan liya kang muncul ing lumahing sagara yaiku wujud pulo cilik Burhou lan Ortac. Sethithik banget tetuwuhan kang urip ing pulo iki. Asalé jeneng pulo iki miturut téyori ana telung warna, yaiku: asal saka basa Perancis cascade kang nyinggung bab lubèring (banyu sagara) nalika pasang naik. Téyori liyané kang nyebutaké asal saka tembung casque kang tegesé watu kang wanguné kaya hèlm. Téyori katelu yaiku asal saka tembung "cas" (tugel) lan "quet" (watu). Sawijining péta tuwa (Leyland map) udakara taun 1640 mènèhi jeneng saka basa Latin, Casus Rupes (watu tugel), kang manawa paling cocog karo téyori katelu mau.^[1].

Akèh banget kapal kang kèrem utawa wreck ing saubengé pulo-pulo cilik iki, kang paling misuwur yaiku kalebu HMS Victory, kèrem taun 1744 lan SS Stella taun 1899. Kapal Ievoli Sun kèrem taun 2000. Conto kang paling anyar yaiku kèremé Kleine Familie ing taun 2006 ^[2], lan isih di invèstigasi déning BEAmer, siji Badan ing Perancis kang kajibah bab kacilakan ing sagara.

1. ↑ Alderney Place Names, Royston Raymond, 1999 Alderney ISBN 0-9537127-0-2
2. ↑ BBC News Warta saka BBC News

• SS Stella Website Archived 2005-09-08 at the Wayback Machine.
• Trinity House website Archived 2010-05-02 at the Wayback Machine.
• The Lighthouses of Alderney Archived 2011-05-27 at the Wayback Machine.
• Alderney society and muséum - Geology
• Channel Islets - Victor Coysh

• Gambar-gambar Casquets Archived 2007-04-08 at the Wayback Machine.

Kapuloan Kanal
Bailiwick Jersey: Jersey | Les Minquiers | Les Ecrehous | Pirres de Lerq | Les Dirouilles
Bailiwick Guernsey: Alderney | Guernsey | Sark | Brecqhou | Burhou | Casquets | Herm | Jethou | Lihou | Ortac | Crevichon | Les Houmets