Kode Batang

Kode Batang utawi langkung kawéntar kanthi Basa Inggris barcode punika kempalaning data optik ingkang kawaos déning mesin ^[1]. Kodé batang ugi saged dipunwastani kempalaning kodhe ingkang awujud garis ingkang kandel lan tipising garis béda gumantung isi kodhe ^[2]. Sejatosipun, kodhe batang punika ngempalaken data dhateng garis lan spasi pararel lan saged diwpunwasatani 'kodhe batang utawi simbologi linear saged ugi 1D (1 Dhimènsi). Nanging ugi awujud persegi, titik, heksagon, lan wujud geometri sanèsipun ing gambat ingakng dipunwastani kodhe matriks utawi simbologi 2D (2 Dhimènsi). Kathah smbol lan pangginaan nanging sadaya kanthi ancas ingkang sami, inggih punika mengencode string karakter minangka garis batang lan spasi.

Jinis-jinis kodhe batang ingkang kaginakaken punika gumantung kaliyan pérangan-pérangan ing ngandhap punika :

• standar lan instruksi
• ancasing pangginaan
• encoding data
• cetak lan utawi metode decoding

Wonten jinis kodhe batang ingkang sanès kanthi ancas ingkang béda ugi ingkang dipunwastani simbol utawi symbiology. Saben jinis simbol utawi jinis kodhe batang kalebet standar ingkang nerangaken simbol ingkang kacetak lan kados pundi pirantinipun kados scanner kodhe batang, maos lan damel decoding simbol ingkang kacetak mau.

Kodé batang utawi barcodé mliginipun UPC sampun dados pérangan ingkang wigati tumrap peradapan modern. Panganggénan ingkang sampun wiyar ndadosaken kodhe batang taksih kaginakaken lan ngalami pangembangan kanthi saé kados ing ngandhap punika :

• Kathah-kathahipun sadaya barang ingkang dipunsade wonten ing toko grosir, department store punika ngginakaken lan gadhah kodhe batang UPC. Piranti punika paring pambiyantu sanget anggènipun madosi sadaya barang ingkang kasadé kanthi medalaken regi lan data ingkang sadèrèngipun sampun kaprogram.
• Pangginaan ing kartu anggota Ritel (kathah toko ritel kados piranti ulah raga, kosmetik, piranti kantor, obat, lan factory outlet) kanggé ngidentifikasi konsumen ingkang dados anggota.
• Kanggé nglacak geraking item, kalebet sewa mobil, bagasi maskapé penerbangan. Awit saking taun 2005, maskapé ngginakaken standar IATA 2D kodhe batang ing boarding pass.
• Wonten 2D kodhe batang embed hyperlink halaman web page. Satunggaling seluler saged kaginaken kanggé maos kodhe batang lan ngaksès situs ingkang kaubungaken.
• Nalika 1970-an lan 1980-an, piranti alus kodhe sumber punika kadang dipundamel kodhe awujud kodhe batang lan kacétak ing kertas.