Macan

Macan
	Macan Sumatra (P. tigris sumatrae)
Setatus konservasi
	; Kadrawasan (IUCN 3.1)
Klasifikasi ngèlmiah
Karajan:	Animalia
Filum:	Chordata
Klas:	Mammalia
Ordho:	Carnivora
Famili:	Felidae
Génus:	Panthera
Spésies:	P. tigris
Jeneng binomial
	Panthera tigris; (Linnaeus, 1758)
	Sajarah laladan panyebaran macan (kuning pucet) lan status ing taun 2006 (ijo).
Sinonim
	Felis tigris (Linnaeus, 1758) ; Tigris striatus (Severtzov, 1858) ; Tigris regalis (Gray, 1867);

Macan, ing basa Latin dipunwastani Panthera tigris,^[3] punika sato ingkang kagolong kulawargi Felidae utawi jinis kucing. Macan lumrahé mburu mangsané nganggo cakar lan taringé.^[3] Macan mlayuné cépet banget. Mangsané macan kalebu kéwan kang rada gedhé, kaya ta rusa sambar, kidang, babi, lan kancil.^[3] Saliyané kéwan-kéwan mau, macan uga seneng mburu kéwan-kéwan cilik kaya ta landak yèn kéwan gedhé wis ora ana.^[3] Sanajan saka famili kang padha, nanging macan béda karo kucing. Kucing luwih cilik saka macan.^[3] Macan kalebu kéwan kang seneng nglangi nanging kucing kalebu kéwan kang wedi banyu. Macan kêrêp dianggêp mung bangsané Leopard lan sak jinise, padahal aran macan iku sakjane kanggo tiger.^[3]

Macan Sumatra

Macan Sumatra urip ing Pulo Sumatra.^[4] Saiki kaanan alas ing Sumatra kang saya suda amarga didadékaké pemukiman sangsaya nggegirisi tumrap uriping macan Sumatra.^[4] Kurangé alas uga ndadékaké akèh manungsa kang kepéngin mburu macan Sumatra iki.^[4]

Kaanan alas Sumatra mligi alas ing Bengkulu kang rusak banget maragaké macan Sumatra sangsaya kurang habitat lan panggonan uripé.^[4] Kaanan kang kaya mengkéné nggampangaké manungsa kanggo mburu lan nyekel macan Sumatra.^[4]

Ing Bengkulu, saka 900 éwu héktar alas, 40 perséné wis rusak amarga penebangan alasan.^[4] Miturut cathetan BKSDA, populasi macan sumatra ing Bengkulu mung ana 50-70 macan.^[4] Ing sakabéhé wewengkon Sumatra, populasiné mung ana 300-400 macan.^[4]

Saliyané amarga diburu manungsa, populasi satwa macan iki uga kurang amarga konflik wates alas lan pemukiman manungsa.^[4]

Macan Jawa

Macan jawa(Panthera tigris sondaica) kalebu kéwan langka kang dilindungi pamaréntah.^[5] Macan Jawa kalebu kéwan kang kudu dikembangbiaké amarga wis akèh kang cures.^[5] Spesies macan jawa iki urip ing alas-alas kang akèh wit-witane.^[5] Padha kaya macan-macan liyané, macan Jawa mangané daging.^[5] Macan jawa kalebu karnivora ya iku kéwan kang mangané daging.^[5] Macan jawa uga diarani macan ''gémbong''.^[5] Kéwan iki awaké gedhé lan mlayuné banter banget.^[5]

Macan jawa kalebu kéwan buas lan galak.^[6] macan jawa uga bisa mangan manungsa kaya déné mangsa kéwan.^[6] Yèn mangsa manungsa bakal dipangan dagingé lan disisakéé balung-balunge.^[6] Macan jawa tau urip ing Pulo Jawa lan resmi dikabaraké cures taun 1980-an.^[7] Macan jawa cures awit diburu manungsa lan amarga habitat uripé kang saya ciut.^[7] Habitat macan jawa kurang amarga dianggo lahan pertanian lan kanggo pemukiman panduduk.^[7]

Kaanan macan jawa Panthera tigris sundaica isih dadi pitakonan.^[8] Nanging akèh para panduduk ing pinggir alas kang kerep krungu swarané macan jawa lan ndeleng kéwan iki.^[8] Kaya ta panduduk ing cedhak als Boyolali, Wanagiri, alas ing kawasan Taman Nasional Meru Betiri, Jawa Timur.^[8] Macan jawa kalebu kéwan buas kang luwes mlakune.^[8] Macan jawa corake belang-belang.^[8]

Macan Putih

Macan putih ya iku jinising macan kang nggawa gen resesif saéngga wernané pucet.^[9] Genetik kang marakaké corak belang ing wuluné uga dadi pucet.^[9] Macan putih irungé nduwé warna abang nom utawa jambon (pink), tlapakan sikilé uga duwé warna pink, kulité klawu rada putih, matané biru, lan wuluné putih utawa putih rada kuning utawa putih kuning belang-belang ireng, rada soklat.^[9] Ana uga kang wernané putih semu klawu.^[9]