Daktulosphaira vitifoliae
Ordo : Hemiptera
Subordo : Sternorrhyncha
Superfamilia : Phylloxeroidea
Familia : Phylloxeridae
Genus : Daktulosphaira
Species : D. vitifoliae
Daktulosphaira vitifoliae est hemipterum familiae Phylloxeridarum, pestis vitium commercii omnem per orbem terrarum nota, sed in America Septentrionali orientali endemica. Haec insecta, paene microscopica, flava diluta, aphidoideis cognata, radicibus foliisque vitium suco sugendo vescuntur. In Vitibus viniferis, deformationes radicum ("nodositates" et "tuberositates" appellatae) et infectiones fungorum quae fiunt radices cingere possunt, flumen aquae nutrimentorumque gradatim intercludentes. Nymphae fella ut se defendant in inferioribus foliorum nonnullarum specierum vitium lateribus faciunt, et sub cortice vel intra radices hiemant; haec fella solum in foliis vitium Americanarum plerumque inveniuntur.
De nomine
[recensere | fontem recensere]Species ab Asa Fitch anno 1855 Novo Eboraco in civitate nomine Pemphigus vitifoliae primum descripta[1] mox ab H. Shimer anno 1866 sub novo genere a se nominato Daktulosphaira vitifoliae ordinata est.[2] Quod genus ipse anno insequenti alia orthographia Latiniori sed invalida Dactylosphaera descripsit. Eodem commentationi dubitanter genus novum Viteus ad speciem vitifoliae accommodandam proposuit.[3] Iulius Aemilius Planchon anno 1868 in Francia eandem speciem sicut novam nomine Phylloxera vastatrix descripsit.[4] Unde C. V. Riley anno 1871 in Missouria, descriptione specifica Asae Fitch cum genere a Planchon nominato iuncta, primum binomen Phylloxera vitifoliae construxit.[5] Hae nomina omnia saepe per saeculum insequens adhibita sunt: binomen autem Daktulosphaira vitifoliae accipere necesse est.[6]
Notae
[recensere | fontem recensere]Bibliographia
[recensere | fontem recensere]- De taxinomia et zoologia
- Asa Fitch, "Report on the noxious, beneficial and other insects of the State of New York" in Annual Report (New-York State Agricultural Society, 1855) pp. 705-880
- J. E. Planchon, "Nouvelles observations sur le puceron de la vigne" in Comptes rendus de l'Académie des Sciences vol. 67 (1868) pp. 588-594
- C. V. Riley, "The grape-leaf gall-louse Phylloxera vitifoliae Fitch" in Third annual report on the noxious, beneficial and othere insects of the State of Missouri (1871) pp. 84-96
- Louise M. Russell, "Daktulosphaira vitifoliae (Fitch), the Correct Name of the Grape Phylloxeran (Hemiptera: Homoptera: Phylloxeridae)" in Journal of the Washington Academy of Sciences vol. 64 (1974) pp. 303-308
- H. Shiner in The Prairie Farmer vol. 34, n.s. vol. 18 (1866) pp. 290, 365
- H. Shiner, "On a new genus in Homoptera (section Monomera)" in Proceedings of the Academy of Sciences of Philadelphia vol. 19 (1867) pp. 2-11
- W. Conner Sorensen, Edward H. Smith, Janet Smith, Yves Carton, "Charles V. Riley, France, and Phylloxera" in American Entomologist (autumno 2008)
- De oecologia
- Jules-Émile Planchon, Les moeurs du Phylloxera de la vigne: résumé biologique. Montispessulani, 1877
- Kevin Powell, "Grape phylloxera: an overview" in S. N. Johnson, P. J. Murray, edd., Root Feeders: An Ecosystem Perspective (CAB International, 2008)
- De historia et geographia
- Denis Boubals, "Sur les attaques de Phylloxera des racines dans le monde" in Progres Agricole et Viticole vol. 110 (1993) pp. 416-421
- Christy Campbell, The Botanist and the Vintner: How Wine Was Saved for the World. Algonquin Books, 2005
- Roman Hałaj et al., "Viteus vitifoliae (FITCH, 1885) a new species of aphid in Poland (Hemiptera: Aphidomorpha: Phylloxeridae)" in Polish Journal of Entomology vol. 80 (2011) pp. 457-464
- George Ordish, The Great Wine Blight. Pan Macmillan, 1987
Nexus interni
Nexus externi
[recensere | fontem recensere]
|
Situs scientifici: • NCBI • Biodiversity |
- Australiana Meridiana Phylloxerae et Industriae Vitium Commissio,
- Hostis Vitis: Fabula phylloxerana, ex altera The Oxford Companion to Wine editione extracta
- Phylloxera Vitium: NSW Department of Primary Industries