Georgius Gordon Meade

Georgius Gordon Meade (31 Decembris 1815–6 Novembris 1872) fuit praefectus in Exercitu Civitatum Foederatarum et ingeniarius civilis constructionis littoralis peritus qui nonnullas pharas aedificavit. Honore in Bello Seminolensi et Bello Mexici et Civitatum Foederatarum militavit. Per Bellum Civile Americanum fuit praefectus generalis in Exercitu Unionis, primum dux cohortis, postremo Exercitus Potomaci. Notissimus est quia Robertum E. Lee Generalem Confoederationis in Proelio Gettysburgi anno 1863 devincit.

Annis 1864 et 1865, Meade Exercitum Potomaci per Expeditionem Terrestrem, Expeditionem Ricmondiae-Petersburgi, et Expeditionem Appomattox^? ducebat, sed in eodem exercitu praesentia Ulixis S. Grant Legati, omnium Unionis exercituum imperatoris, ei officiebat.

Meade Gadibus Hispaniae natus est, octavus ex undecim filiis Ricardi Worsam Meade et Margaretae Coats Butler Meade. Frater Ricardus Worsam Meade II fuit praefectus navalis. Pater, dives Philadelphiae negotiator qui in Hispania pro administratione Civitatum Foederatarum procurator effectum habebat (quamquam conturbatus quia Hispaniam Bellis Napoleonicis adiuverat), mortuus est anno 1828, Georgio Meade iam iuvene. Patre sex menses mortuo, familia, nunc in egestatem redacta, Civitates Foederatas repetivit. Georgius iuvenis Institutionem Mount Hope Baltimorae frequentavit, et in Academia Militari Civitatum Foederatarum Promontorii Occidentalis anno 1831 matriculavit.

Meade in Bello Mexici et Civitatum Foederatarum meruit, legatus contubernalis generalium Zachariae Taylor, Gulielmi J. Worth, et Roberti Patterson. Bello confecto, pharos molesque lapidum in mari structas plerumque construebat, et litora Floridae et Novae Caesareae permetiebatur.

In pellicula Gettysburg, accommodatione libri The Killer Angels, mythistoriae a Michaele Shaara scriptae, Meade a Ricardo Anderson agitur. Alia eius "apparitiones" in pelliculis, programmatibus televisificis, et "video" sunt (et actores):

• The Dramatic Life of Abraham Lincoln (1924)—Alfred Allen
• Virginia City (1940)—Thurston Hall
• The Blue and the Gray (1982, TV miniseries)—Rory Calhoun
• An American Story (1992, TV)—Brad Johnson
• Gettysburg: Three Days of Destiny (2004)—Andy Waskie
• Battlefield Detectives (2004, TV)—Mike Brown
• No Retreat from Destiny: The Battle That Rescued Washington (2006 video)—Paul Bugelski

Meade est persona in libro Gettysburg, mythistoria "historiae alternativae" a Newt Gingrich et Gulielmus Forstchen scripta.

• Coddington, Edwin B. 1968. The Gettysburg Campaign: A Study in Command. Scribner's. ISBN 0-684-84569-5.
• Davis, William C., et editores Time-Life Books. 1986. Death in the Trenches: Grant at Petersburg. Time-Life Books. ISBN 0-8094-4776-2.
• Eicher, John H., et David J. Eicher. 2001. Civil War High Commands. Stanford University Press. ISBN 0-8047-3641-3.
• Gallagher, Gary W., ed. 1999. Three Days at Gettysburg: Essays on Confederate and Union Leadership. Kent State University Press. ISBN 0-87338-629-9.
• Tagg, Larry. 1998. The Generals of Gettysburg, Savas Publishing. ISBN 1-882810-30-9.
• Warner, Ezra J. 1964. Generals in Blue: Lives of the Union Commanders. Louisiana State University Press. ISBN 0-8071-0822-7.

Vicimedia Communia plura habent quae ad Georgius Gordon Meade spectant.

• Archivum Generalis Meade
• Conlectio Meade Musei Belli Civilis Philadelphiae
• Militaris Georgii G. Meade biographia ex biographiis Cullum
• Photographemata Meade
• Picturae notarum Thesauri CFA, quibus est imago Georgii G. Meade; a "Federal Reserve Bank" Sancti Francisci praebitae.
• Sodalitas Generalis Meade Philadelphiae
• Formula:Findagrave