murem

class.  (ca. 37 a.C.n. / 717 a.u.)

• Triticum condi oportet in granaria sublimia, quae perflentur vento ab exortu ac septemtrionum regione, ad quae nulla aura umida ex propinquis locis adspiret. Parietes et solum opere tectorio marmorato loricandi; si minus, ex argilla mixta acere e frumento et amurca, quod murem et vermem non patitur esse et grana facit solidiora ac firmiora. Quidam ipsum triticum conspargunt, cum addant in circiter mille modium quadrantal amurcae. —De agricultura Varronis ^[1][2]

saec. I.  (ca. 45 p.C.n.)

• Mons parturibat, gemitus immanes ciens,

Eratque in terris maxima exspectatio.

At ille murem peperit. Hoc scriptum est tibi,

Qui, magna cum minaris, extricas nihil. —Fabulae Phaedri ^[3][2]

saec. I.

• Iam etiam philosophos de negotio deiciehat, cum pittacia in scypho circumferri coeperunt, puerque super hoc positus officium apophoreta recitavit. … “Porri et persica”: flagellum et cultrum accepit. “Passeres et muscarium”: uvam passam et mel Atticum. “Cenatoria et forensia”: offlam et tabulas accepit. “Canale et pedale”: lepus et solea est allata. “Muraena et littera”: murem cum rana alligatum fascemque betae accepit. Diu risimus. Sexcenta huiusmodi fuerunt, quae iam exciderunt memoriae meae. —Satyricon T. Petronii Arbitri ^[4][2]

saec. I.  (ca. 78 p.C.n.)

• et salis gustatu fieri praegnantes opinantur. itaque desinit mirum esse unde vis tanta messes populetur murium agrestium, in quibus illud quoque adhuc latet, quonam modo illa multitudo repente occidat. nam nec exanimes reperiuntur neque extat qui murem hieme in agro effoderit. plurimi ita ad Troada proveniunt et iam inde fugaverunt incolas. proventus eorum siccitatibus. tradunt etiam obituris vermiculum in capite gigni. —Naturalis historia Plinii ^[5][2]

saec. I.  (ca. 85-102 p.C.n.)

• Languida cum vetula tractare virilia dextra

Coepisti, iugulor pollice, Phylli, tuo:

Nam cum me murem, cum me tua lumina dicis,

Horis me refici vix puto posse decem.

Blanditias nescis: ‘dabo’ dic ‘tibi milia centum

Et dabo Setini iugera culta soli;

Accipe vina, domum, pueros, chrysendeta, mensas.’

Nil opus est digitis: sic mihi, Phylli, frica. —Epigrammata M. Valerii Martialis ^[6][2]