Monterrey
Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
| ||||||||||||||||||||||||||||||
Monterrey (מונטיריי) es una grande sivdad del estado de Muevo Leon i es la kapitala del estado. Tyene una povlasion de 1 415 512 avitantes, la kual konforma parte de una area metropolitana yamada Zona Metropolitana de Monterrey, ay kaji 4 milyones de avitantes, es la tresera area urbana mas grande del paiz. La sivdad tuvo tres fundadores i todos eran de orijen djudio sefaradi. Diego de Montemayor fue el fundador ofisialo i dato la su fundasion en el anyo de 1596.
Aktualmente es una de las sivdades ma puededoras del paiz, la su ekonomia es akaparada por la industria, el komersio i las institusiones bankarias, por la su ubikasion jeografika, Monterrey tyene atamientos kon sivdades meksikanas fronterizas i sivdades de los Estados Unidos de Amerika, presipalmente kon grandes sivdades del estado de Texas.
Etimolojia
[trocar | trocar el manadero]El biervo proviene del fundador Diego de Montemayor, nombre ke dio a la viya komo: Sivdad Metropolitana de Muestra Sinyora de Monterrey. Con este nombre, Montemayor rendia homenaje a Gaspar de Zuñiga i Acevedo, Konde de Monterrey, asegun, del virrey de la Mueva Espanya.
La etimolojia de la sivdad es insierta, sin embargo, es posivle saber ke el nombre proviene tambyen de una relasion kon la lokalidad gayega de Monterrei, lugar de antikas komunidades djudias yamadas djuderias i de ande viene el titolo nobiliario de Kondado de Monterrei dado a Gaspar de Zuñiga; komo es sabido, Monterrey fue fundado por kolonistas de antesdentes kripto-djudios.
Esta sivdad es yamada komo La Sultana del Nord, ansi komo: La kapital industrial de Meksiko i komo La Sivdad de las Montanyas por la kantidad de diversas formasiones orografikas que la rodean. Monterrey es achikado komo MTY.
Istoria
[trocar | trocar el manadero]
En Monterrey uvo tres intentos de fundasion, los primeros dos intentos frakasaron por la resistensia de los aborjinalos de la rejion, las kondisiones de la tyrra i los sus desenkuentros de dos fundadores kon la Inquisisyon, el primero de eyos fue realizado por Alberto del Canto en 1577. Dempues de fundar la Viya de Saltillo, deskubrio el Vaye de Estremadura (el aktual Vaye de Monterrey) i fundo el kazal de Santa Lucía, junto a los ojos de agua. Este primero lazal, ke muy provablemente fue avitado por aborijinalos, no estuvo muncho tyempo, asegun purke en 1578 se pidio orden de aprehension enkontra del djudaizante Alberto Del Canto.
Jeografia
[trocar | trocar el manadero]Monterrey es un belediye urbano ke topa al nord kon el belediye de Escobedo, al sud kon el belediye de Santiago, al este kon San Nicolás de los Garza, Guadalupe i Juárez; y al oeste topa kon San Pedro Garza García i Santa Catarina. El territorio munsipalo konta kon 451,30 km2 y la sivdad esta a una altitud de 500 metros por ensima del nivel de la mar.
El belediye de Monterrey, endemas konosido komo la Sivdad de las Muntanyas, por las sus karakteristikas ay formasiones de serraladas ke atraviesan por la sivdad komo El Cerro de la Silla (que asemeja una siya de monta) es symbolo de la sivdad, otros son El Cerro de las Mitras al oeste, La Sierra Madre al sud de la sivdad ande se enkontra el Serro del Chipinque, tambien en la sierra pero hazia el oeste esta lokalizada la Huasteca otro parke naturalo en el kualo se puede azer spor ekstremo y El Cerro del Topo Chico azia el Nordponiente, mentado durante munchos anyos por los sus rios i aguas termales.
Governo i administrasion
[trocar | trocar el manadero]
Monterrey es un belediye otonomo del estado de Muevo Leon, es la sivdad kapitala del estado i konta kon fraguas admenistrativas estatales i de munisipalidades ande se ejekuta el pueder. Aki reside el pueder exekutivo, ledjislativo i djudisial de la entidad, el governador exerse el pueder ansi, desde el palazio de governo del estado.
La administrasion del belediye esta dirijida por el alkalde de la sivdad i el ajuntamiento, la mesa direktiva se forma por el kavildo, ande se diktan todos los asuntos emportantes de la sivdadania.
| Alkalde | Periodo |
|---|---|
 Gerardo Garza Sada |
2000-2003 |
 Alejandro Alberto C. Paez y Aragon |
2003-2006 |
 Fernando Garza García |
2006-2009 |
| Mauricio Fernández Garza |
2009-2012 |
| Roberto Ugo Ruiz Cortes |
2012-2015 |
| Mauricio Hernández Garza |
2015-2018 |
Ekonomia
[trocar | trocar el manadero]
La Sivdad de Monterrey es uno de los prinsipalos sentros finansieros del paiz, en la kapitala finansiera del norte de Meksiko. La industria minera dio komienso a la industrializasion kon la apertura de las fundidoras de azero.
Turizmo
[trocar | trocar el manadero]El turizmo de negosios es una de los prinsipalos aportes de dinero de la Sivdad. La hosteleria es grande i keda akoplada al olam de los negozios.
El sitio mas empostante de la sivdad, es la Macroplaza de Monterrey, lugar sentralo onde keda el palasio de governo del estado, la katedrala metropolitana, el palasio lejilastivo, el muzeo MARCO, el muzeo metropolitano i el palasio munisipalo de governo; endemas otros monumentos komo la fuente de Neptuno i el faro de Komersio. Endagora, fue edifikado el Paseo Santa Lucía, un emportante projekto urbano ke komprende la konstruksion de un rio artifisialo, bordeando una ekstensa aria urbana, arvolada, unida a komersios i puntos de interes del Parko Fundidora.
El Barrio Antiko, es un sektor urbano mas sharfo de la sivdad, hue el lugar onde se fundo Monterrey i keda serka de la Macriplaza; el maale tiene una arkitektura koloniala del Nordeste de paiz, se konservan las sus fachadas kon janelas de herreria, portones de madera, farolas y kales empedrados.
El palasio de Obispado, es el edifisio kolonialo mas grande de la sivdad, topa en una kolina i destaka la su arkitektura por una grande kupula y una fachada barroka.
Komunikasion i transporte
[trocar | trocar el manadero]Monterrey konta kon una vasta rede de estradas kue kovren un elevado porsentaje del territorio nasionalo, mesmamente es aprovechado por la una grande kantidad de linyas de autobusos kue konektan todo el paiz. Monterrey tiene un sistema de ayroportos internasionalos ke konektan alkunas sivdades de los Estados Unidos, Sentroamerika y Antiyas, los sus ayroportos mais importantes son el Ayroporto Internasional de la Sivdad de Monterrey, ke topa en el munsipio de Apodaca y el Ayroporto Nasional.
Demografia
[trocar | trocar el manadero]El belediye de Monterrey forma parte de la tresera zona metropolitana mas grande del paiz, es uno de los belediyes ke konforma la mentada zona urbana yamada Zona Metropolitana de Monterrey, konjuntamente kon otros belediyes emportantes komo San Pedro Garza Garcia, San Nicolás de los Garza, Guadalupe, Santa Catarina, Escobedo, Apodaca. Juárez i Santiago. Elbelediye de Monterrey konta kon 1.135.550 avitantes, 573894 son mujeres i 561,656 son ombres.[1]
Relijion
[trocar | trocar el manadero]
La relijion mas praktikada en Monterrey es el kristianismo, la mayorita de los avitantes se dizen katolikos i konta la sivdad kon una grande Arkidiosesis y una katedrala metropolitan.
La sivdad de Monterrey fundada por kripto-djudios, munchos avitantes fueron akusados de praktikas djudaizantes ante el Santo Ofisio i hue la razon de ke la mayorita se volvieran al katolisizmo; endagora ay alkunos praktikantes de djudaizmo, zon azkenazitas ke arrivaron durante seklo XX i hay en Monterrey una esnoga grande onde asisten los azkenazitas.[2]
Edukasion
[trocar | trocar el manadero]
Monterrey konta kon uno de los nivelos mas altos de edukasion en el paiz i uno de los nivelos mas bashos de analfabestismo, tambien las sus eskolas poblikas hueron las primeras en kontar kon servisio de internet en aula.
La edukasion profesional es grande kualidad, las institusiones publikas i privadas tienen un rekonosimiento emportante, la Universidad Otonoma de Muevo Leon i el Instituto Teknolojiko de Estudios Superiores de Monterrey son las sentros edukativos profesionales de alto nivelo nasional e internasional.[3]
Kultura
[trocar | trocar el manadero]La sivdad konta kon una grande oferta kulturala, egziste aki, muzeos, teatros, livrerias, bibliotekas, kazas editoriales, magazines i djornales.
Kuzina
[trocar | trocar el manadero]
Al ser Monterrey, una sivdad fundada por kripto-djudios, la su kuzina esta huertemente influensiada por la kuzina sefaradi, el cabrito (kavritiko) es la karne ke sustituyo la karne del porko en la dieta de los primeros avitantes, la ropa vecha, machaka kon guevo, el pan de trigo yamado torillas de harina o semitas (ke sustituyen al pan de maiz de los puevlos indijenas) I el konsumo de frutas sitrikas komo la granada, limon i portokal.[4]
Espor
[trocar | trocar el manadero]Konta con dos ekipos de primera division: El Club de Fútbol Monterrey (mejor conocido komo Rayados para los de la sivdad), el kual ha sido kampeón en katro ocasiones en la Liga Bancomer MX (1986, 2003, 2009 y 2010) y campeón tres veces consecutivas de la Concacaf Liga de Kampeones (2011, 2012 y 2013); y el ekipo de los Tigres UANL que tienen la su sede en San Nicolás de los Garza, munisipio vezino a Monterrey, kienes han sido kampeones de la Liga Bancomer MX en 4 okasiones (1978, 1982, 2011 y 2015). La afision regiomontana se pone en fiesta kuando se enfrentan estos dos ekipos enel Clásico Regiomontano, en el cual Tigres lleva 38 klasikos ganyados, por 37 del Monterrey.
Akodros
[trocar | trocar el manadero]Sivdades ermanadas
[trocar | trocar el manadero]La sivdad de Monterrey tiene munchas sivdades ermanas komo parte de akodros internasionales deste belediye:
Konsulados
[trocar | trocar el manadero]
Konsulado djeneral de Estados Unidos.
Konsulado djeneral de Espanya.
Konsulado djeneral de Guatemala.
Personas afamadas
[trocar | trocar el manadero]Referensias
[trocar | trocar el manadero]- ↑ Catalogo de lokalidades, Munisipio de Monterrey SEDESOL, sitado el 2 de ochobre de 2016.
- ↑ Colegio Israelita de Monterrey
- ↑ Islas, Octavio; Gutiérrez, Fernando (December de 2001). «El porvenir de NIC México» (en spanish). Razón y Palabra. Consultado el 2008-07-05.
- ↑ Folklore de los sefarditas en el Noreste de México
Atamientos eksternos
[trocar | trocar el manadero]
| Muevo Leon | Monterrey | 
| |
|---|---|---|
|