The Birds (Film)

The Birds

Film
Produktiounsland	USA
Produktiounsjoer	1963
Première	28. Mäerz 1963
Dauer	115 min
Faarf	Faarweg
Originalsprooch	Englesch
Ekipp
Regie	Alfred Hitchcock
Dréibuch	Evan Hunter, no der Kuerzgeschicht The Birds vum Daphne du Maurier
Fotografie	Robert Burks
Musek	Bernard Herrmann Oskar Sala
Costumedesign	Edith Head
Produzent	Alfred Hitchcock, fir Shamley Productions
Produktiouns- gesellschaft	Universal Studios
Schauspiller
Tippi Hedren als Melanie Daniels Rod Taylor als Mitchell ("Mitch") Brenner Jessica Tandy als Lydia Brenner Suzanne Pleshette als Annie Hayworth Veronica Cartwright als Cathy Brenner Ethel Griffies als Ornithologin
Filmportal - Filmer no Joren - Film no Länner - Film no Genre

The Birds ass e Spillfilm vum Alfred Hitchcock aus dem Joer 1963, deen op enger Kuerzgeschicht mam selwechten Numm vun der englescher Schrëftstellerin Daphne du Maurier vun 1952 baséiert. De Film gëllt als Klassiker vun den Horrorfilmer a war no North by Northwest (1959) a Psycho (1960) nach een Héichpunkt am Hitchcock sengem Spéitwierk.

Dat attraktiivt Melanie Daniels, eng verwinnt Millionärsduechter, fiert op Bodega Bay fir dem Affekot Mitch Brenner, deen et kuerz virdrun zoufälleg kenne geléiert hat, eng Koppel Villercher ze bréngen, déi e fir seng kleng Schwëster wollt kafen. Si komme sech awer net direkt méi no, well am Dierfche sinn och dem Mitch seng jalous Mamm a seng Ex, eng Léierin. An da sinn do nach Tëschefäll mat Méiwen, Kueben a Fénken, déi ëmmer méi bedreelech ginn, an déi a reegelrecht Attacken op d'Leit ausaarten...

Am Film sinn eng 400 Astellungen, wou mat deene verschiddensten Tricktechnike geschafft gouf, wéi Matte Painting, Réckprojektioun, Yellowscreen oder Rotoskopie, dacks a Kombinatioun mateneen, dobäi koume Vigelattrappen an dresséiert, echt Vullen.

Et gëtt keng Filmmusek am klassesche Sënn, ma eng Tounkuliss mat elektronesche Vigelkläng, déi mat enger Zort Virleefer vum Synthesizer, dem Trautonium vum Remi Gassmann an dem Oskar Sala geschaf gouf.

Dem Alfred Hitchcock säi Cameo-Optrëtt ass um Enn vun der Zeen am Déierebuttek, wou e mat zwéi Muppen un der Lénkt ze gesinn ass, wéi en aus dem Buttek trëppelt.

• Donald Spoto: The Art of Alfred Hitchcock. Hopkinson and Blake, New York 1976, ISBN 0-911974-21-0, S. 380-395.
• Robert A. Harris, Michael S. Lasky, Joe Hembus (Hg.): Alfred Hitchcock und seine Filme. (Original: The Films of Alfred Hitchcock). Goldmann, München 1976, ISBN 3-442-10201-4.
• Robin Wood: Hitchcock's Films. New York 1977.
• Kyle B. Counts, Steve Rubin: The Making of Alfred Hitchcock's The Birds. In: Cinefanstastique. Vol. 10, No. 2, Herbst 1980, Oak Park, Illinois, ISSN 0145-6032, S. 14-35 (Online-Versioun bei hitchcockwiki.com).
• Camille Paglia: Die Vögel. Der Filmklassiker von Alfred Hitchcock. (Original: The Birds). Europa Verlag, Hamburg/Wien 2000, ISBN 3-203-84107-X.
• François Truffaut: Le cinéma selon Hitchcock (1966).

Commons: The Birds (film) – Biller, Videoen oder Audiodateien

• Review bei filmsite.org (en.)
• Filmplakater