CSS
CSS es un lingua usada per descrive la aspeta de documentos scriveda en un lingua de marca, normal HTML.
On ia desinia lo per fasili separa la contenida de un documento e sua presenta. Esta separa aida manteni documentos, car on pote defini simple la aspeta a un ves en un fix sentral, e lasa alora ce tota la documentos en un grupo refere a esta. CSS permete ance la defini de stilos usable per la maneras diversa de asede un documento – per esemplo sur scermo, sur paper, par vose, o par Braille.
La spesifas tecnical de CSS es mantenida par la World Wide Consortium.
La nom "CSS" es un corti de la espresa engles "Cascading Style Sheets" (Folias Cascadente de Stilos).