Sydney

Sydney a l'è a capitâ do stato oustralian do Nêuvo Galles do Sûd, e a ciû grande e vëgia çittæ oustraliann-a (fondâa into 1788).

A çittæ a g'ha çirca 170.000 abitanti e l'area metropolitann-a ciû de quattro millioin. Insemme a Melbourne, l'eterna rivâ pe o tittolo de çittæ ciû importante da naçion, Sydney a rappresenta o chêu commerçiâ e coltûrâ oustralian.

I sêu abitanti vegnan ciammæ sydneysiders oppûre meno soventi sydneyite. A maggioransa da popolassion a l'è d'origgine brittanega e irlandéise, ma ciû reçentementi s'è formou de grende comûnitæ d'Italien, Greghi, Libanéixi, Arabi e asiatici.

A l'è 'na destinassion importante pe o tûriximo locâle e internassionâ e a l'è stæta premiâ molte vòtte comme ûnn-a de çittæ ciû belle e vivibile do mondo.

A l'è ammirâ pe o sêu porto, a belliscima costa, o climma cädo e a coltûa cosmopolita.

• Wikimedia Commons a contêgne di files in sce Sydney

• City of Sydney, [1]