Luis Gonzaga
|
Quest articol chì l'è scrivud in lombard, con la Noeuva Ortografia Lombarda |
El Luis Gonzaga (Castion, 9 de marz 1568 - Roma, 21 de sgiugn 1591) a l'è stad un religios lombard de la Compagnia de Gesù: fad beat del 1605, el papa Benedet XIII l'ha fad sant del 1726.
Primogenit del Ferrant Gonzaga, l'è nassud in del castell de fameja e l'è batezad in del Dom de Castion. L'è mort in mez de 'n epidemia a Roma: lu, de salut grama, l'era stad metud a jutà quei che staven ben ma el troeuva in strada vun mez mort e 'l mena via in sui spalle in ospedal: un quaj dì inanz el moeur. Per quella reson chi el papa Giovann Paol II l'ha fad protetor di malad de AIDS.
El so corp a l'è mitud sota in la Gesa de Sant Ignazzi de Loyola in Campo Marzio a Roma, foeura che per el crani, che l'è in del santuari de san Luis Gonzaga al sò paes.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Luis Gonzaga