Numer computabel
|
Quest articol chì l'è scrivud in lombard, con la Noeuva Ortografia Lombarda |
|
«Un numer computabel a l'è vun per el che la gh'è una machina del Turing che, ciapad n in sul so bindell, la dà foeura a la fin la cifra quella de n 'me output»
|
Per numer computabel se intend un quajsevoeul numer real che 'l po vesser calcolad de 'n algoritm finid a 'na precision qualsessia. Di definizzion equivalente poden vesser dade a doperà i machine del Turing, el calcol lambda o i fonzion recursive. I numer computabel fann su un camp real serrad e poden vesser doperad inscambi di numer reai per la pupart, ma minga tucc, i usi matemategh.
Al dì d'incoeu se cognossen propi poch de numer minga computabel, di esempi inn i costant de Chaitin, ma a l'è ciar che squasi tucc i numer reai l'inn: per esempi, desgià che un numer per vesser computabel el gh'ha de vesser tirad foeura de 'na machina del Turing e de machine del Turing ghe n'è de infinide con cardinalità del numerabil, l'è ciar che desgià che de numer reai ghe n'è de infinid con cardinalità del continov gh'è de vességh di numer che poden minga vesser computad.