Dewan Kaamanan Pasarikatan Banso-Banso

Dewan Kaamanan Pasarikatan Banso-Banso (bahaso Inggirih: United Nations Security Council) adolah salah satu organ utamo Pasarikatan Banso-Banso nan batangguangjawab untuak manjago kaamanan jo kadamaian internasional, sarato manarimo anggota baru Pasarikatan jo manyatujui parubahan pado Piagam Pasarikatan Banso-Banso. Kuasonyo tamasuaklah manjalanan operasi panjago perdamaian, pangadoan sanksi internasional, jo otorisasi parang atau tindakan militer lain lewat Resolusi Dewan Kaamanan Pasarikatan Banso-Banso; dewan ko adolah satu-satunya badan PBB nan punyo kuaso maikek taadok saluruah anggota Pasarikatan. Dewan ko partamo kali basidang pado 17 Januari 1946.

Cando PBB, Dewan Kaamanan didirian sausai Parang Dunia Kaduo untuak manggantikan organisasi lain, Liga Banso-Banso, nan dianggap gagal dalam manjago perdamaian dunia. Kutiko awal-awal tagak, badan ko banyak tapngaruah dek perpecahan Parang Dingin antaro Amerika Sarikat jo Uni Soviet dan sakutu-sakutunyo, walaupun masih dapek mamarintahan intervensi di Parang Korea jo Krisis Kongo sarato operasi panjago perdamaian kutiko pacah krisis di Tarusan Suez, Siprus, jo Papua Barat. Sasudah jatuahnyo Soviet, operasi panjago pardamaian PBB batambah banyak dan bapangaruah, sainggo Dewan ko dapek mamarintahan misi panjago perdamaian nan intensif di Kuwait, Namibia, Kamboja, Bosnia, Rwanda, Somalia, Sudan, jo Republik Demokratik Kongo.

Dewan Kaamanan tadiri ateh limo baleh anggota. Kuaso alam nan mamanangan Parang Dunia Kaduo: Rusia, Inggirih, Parancih, Cino, jo Amerika Sarikat, adolah anggota-anggota tetap. Anggota-anggota tatok ko dapek mamveto sadoalah resolusi, tamasuak panarimoan anggota baru atau calon Sekretaris Jenderal. Dewan ko juo punyo 10 anggota nan indak tetap, dipiliah tiok wilayah salamo duo tahun. Kapamimpinan Dewan Kaamanan digilia tiok bulan antaro anggota-anggotanya.

Resolusi-resolusi Dewan Kaamanan biasonyo ditagakkan dek Panjago Pardamaian Pasarikatan Banso-Banso, pasukan militer sukarelawan nan disadioan dek anggota-anggotanya dan dibiayai dek anggaran utamo PBB. Pado 2013, 116,837 panjago pardamaian jo personil lain sadang ditugaskan di 15 misi di saluruah dunia.

• UN Security Council — official site
• UN Security Council Research Guide
• Global Policy Forum – UN Security Council
• Security Council Report — information and analysis on the Council's activities
• Center for UN Reform Education – information on current reform issues at the United Nations
• UN Democracy: hyperlinked transcripts of the United Nations General Assembly and the Security Council
• Hans Köchler, The Voting Procedure in the United Nations Security CouncilPDF (238 KB)
• Reform the United Nations website Archived 2006-08-12 di Wayback Machine. — tracking developments
• History of the United Nations — UK Government
• (Parancih) The different projects of reform (G4, Africa Union, United for consensus) (2006) Archived 2006-08-22 di Wayback Machine.