Lompat ke isi

Kantang

Suntiang pautan
Wikipedia Minangkabau - Lubuak aka tapian ilimu
Kantang
Solanum tuberosum Edit nilai pada Wikidata

kantang nan bajua di pasa
Data
Sumber dari kentang (id) Terjemahkan jo Tepung kentang (id) Terjemahkan Edit nilai pada Wikidata
Tumbuahan
Jenis buah Buah beri Edit nilai pada Wikidata
Taksonomi
DivisiTracheophytes
SubdivisiSpermatophytes
KladAngiosperms
Kladmesangiosperms
Kladeudicots
Kladcore eudicots
Kladasterids
Kladlamiids
OrdoSolanales
FamiliSolanaceae
SubfamiliSolanoideae
TribusSolaneae
GenusSolanum
SpesiesSolanum tuberosum Edit nilai pada Wikidata
Linnaeus, 1753


Media: Kantang

Media: Kantang
Ubah di Wikidata

Kantang (Solanum tuberosum L.) adolah tanaman dari suku Solanaceae nan punyo umbi batang nan bisa dimakan dan disabuik "kantang" pulo. Umbi kantang kini ko alah manjadi makanan pokok pantiang di Eropa walaupun awalnyo badatangan dari Amerika Selatan.

Panjalajah dari Spanyol jo Portugis partamo kali mambawok ka Eropa dan mangambangkbiakkannyo disinan.

Tanaman ko mulonyo barasa dari Amerika Selatan dan alah dibudidayakan dek urang di sinan sajak ribuan tahun nan lampau. Tanaman ko tamasuak herba (tanaman pendek indak bakayu) samusim dan suko jo iklim sajuak. Di daerah tropis cocok bana ditanam di dataran tinggi.

Bungonyo nan samparono tasusun majemuk. Ukurannyo cukuik gadang, diameter kiro-kiro 3 cm. Warnanyo antaro ungu hinggo putiah.

Panyebaran

[suntiang | suntiang sumber]

Manuruik tambonyo, kantang ko asanyo dari lembah-lembah dataran tinggi di Chili, Peru, jo Meksiko. Jinih iko dipakenalkan dek urang Spanyol dari Peru ka Eropa sajak tahun 1565. Samanjak itulah, kantang pai ka negri-negri lain tamasuak Indonesia. Manuruik catatan awal di Indonesia, tumbuhan ko alah ado samanjak tahun 1794, partamo pananamannyo di sakitaran Cimahi.[1] Samanjak itulah, kantang ko basarobok di Priangan jo Gunung Tengger. Pado tahun 1812, kantang alah dikenal jo dijua di Kedu. Sadangkan di Sumatra tanaman ko dikenal satahun sabalumnyo, 1811. Kantang tumbuah di pagunuanggan nan katinggiannyo antaro 1000 mdpl hinggo 2000 mdpl, pado tanah humus. Tanah bakeh latuihan gunuang marapi nan bastruktur remah labiah ancak.

Manfaaik jo racun

[suntiang | suntiang sumber]

Kantang disabuik juo dek urang sabagai makanan pokok di lua negri. Iko karano maganduang karbohidrat. Di Indonesia ko, kantang masih dianggap sabagai makanan nan mewah. Nan dek itu juo, kantang adolah makanan nan lamak jo banutrisi.[2] Juo dikenal manganduang sajumlah vitamin dari A, B-kompleks, hinggo C, hinggo asam folat. Juo mineral, protein, karbohidrat, karotenoid, dan polifenol. Dalam tubuah kantang ko, ado zat solanin nan dikenal sabagai ubek pananang, antikajang, antijamur, jo pestisida.[3] Vitamin C nan takanduang di kantang satiok 100 g adolah 17 mg. Salain tu takanduang karbohidrat jo serat, mineral nan ala ado antaronyo zat besi, fosfor, jo kalium.[4] Kompresan aia kantang dikenal sangaik mambantu maubek'i luko di kulik, talabiah di negri miskin nan sulik cangkok kulik (skin graft). Namun bak itu, katiko kantang kanai cahayo, kantang dapek sajo mambuek glikoalkaloid nan dinamoan solanin secaro balabiah, sahinggo bahayo untuak dikonsumsi. Bahayo nan dapek tajadi iolah taganggunyo sistem saraf, tabaka tenggorokan, sakik kapalo, paralisis/lumpuah tungkai, jo badan mandingin. Apobilo dosis alah 3–6 mg. akibaiknyo bisa fatal. Paubek nan bisa dilakuan iolah ma'agiah arang aktif/norit, cuci lambung, dan diagiah cairan infus.[3] Sebab tu, untuak pancegahan tajadinyo solanin pado kantang nan ka di makan tu, labiah elok kantang di latakan di tampek nan galok. Mamasak solanin di suhu tinggi, dapek mahancuaan sabagian solanin. Selain tu, jan mamakan kantang nan alah bakacambah jo bawarna ijau di bagian bawah kulik, karano alkaloid solaninnyo alah tinggi sarato sangaik baracun bana.[3]

Kantang di pasa

[suntiang | suntiang sumber]
Bamacam-macam umbi kantang di pasa

Di pasa-pasa jo di balai-balai, kantang dipisah-pisahan menuruik ukurannyo dan dinamokan kualitas A, B, C, dan D. Kualitas A iolah nan tabaiak. Panyabuikan 'kantang kualitas AB' bararti campuran dari kualitas A jo B.

Liek pulo

[suntiang | suntiang sumber]

Rujuakan

[suntiang | suntiang sumber]
  1. ↑ Sastrapradja, Setijati; Soetjipto, Niniek Woelijarni; Danimihardja, Sarkat; Soejono, Rukmini (1981). Proyek Penelitian Potensi Sumber Daya Ekonomi:Ubi-Ubian. 7. hal. 45. Jakarta: LIPI bekerja sama dengan Balai Pustaka.
  2. ↑ Sunarjono, Hendro (2015). Bertanam 36 Jenis Sayur. hlm.45 – 53. Jakarta: Penebar Swadaya. ISBN 978-979-002-579-0.
  3. ↑ a b c Sunarjono, Hendro (2015). Bertanam 36 Jenis Sayur. hlm.45 – 53. Jakarta: Penebar Swadaya. ISBN 978-979-002-579-0.
  4. ↑ Hermani; Rahardjo, Mono (2005). Tanaman Berkhasiat Antioksidan. Hlm. 72 – 73. Jakarta: Penebar Swadaya. ISBN 979-489-877-5.

Pautan lua

[suntiang | suntiang sumber]
  • Economist. "Llamas and mash", The Economist 28 February 2008 online
  • Economist. "The potato: Spud we like", (leader) The Economist 28 February 2008 online
  • Boomgaard, Peter (2003). "in the Shadow of Rice: Roots and Tubers in Indonesian History, 1500-1950". Agricultural History. 77 (4): 582-610. doi:10.1525/ah.2003.77.4.582. JSTOR 3744936
  • Hawkes, J.G. (1990). The Potato: Evolution, Biodiversity & Genetic Resources, Smithsonian Institution Press, Washington, D.C.
  • Lang, James. (2001) Notes of a Potato Watcher (Texas A&M University Agriculture Series) excerpt and text search* Langer, William L. "American Foods and Europe's Population Growth 1750–1850", Journal of Social History (1975) 8#2 pp. 51–66 in JSTOR
  • McNeill, William H. "How the Potato Changed the World's History." Social Research (1999) 66#1 pp 67–83. ISSN 0037-783X Fulltext: Ebsco, by a leading historian.
  • Mcneill Wiliam H (1948). "The Introduction of the Potato into ireland" Journal of Modern History. 21 (3): 218-21. doi: 10. 1086/237272.
  • Ó Gráda, Cormac. Black '47 and Beyond: The Great Irish Famine in History, Economy, and Memory. (1999). 272 pp.
    1. Ó Gráda, Cormac, Richard Paping, and Eric Vanhaute, eds. When the Potato Failed: Causes and Effects of the Last European Subsistence Crisis, 1845–1850. (2007). 342 pp. ISBN 978-2-503-51985-2. 15 essays by scholars looking at Ireland and all of Europe
  • Reader, John. Propitious Esculent: The Potato in World History (2008), 315pp a standard scholarly history
  • Salaman, Redcliffe N. (1989). The History and Social Influence of the Potato, Cambridge University Press (originally published in 1949; reprinted 1985 with new introduction and corrections by J.G. Hawkes).
  • Stevenson, W.R., Loria, R., Franc, G.D., and Weingartner, D.P. (2001) Compendium of Potato Diseases, 2nd ed, Amer. Phytopathological Society, St. Paul, Minnesota.
  • Zuckerman, Larry. The Potato: How the Humble Spud Rescued the Western World. (1998). 304 pp. Douglas & McIntyre. ISBN 0-86547-578-4.

Lanjuik Mambaco

[suntiang | suntiang sumber]
Search Wiktionary Caliak katarangan manganai
kantang di Wikikato.
Search Wikimedia Commons Wikimedia Commons mampunyoi
media nan bahubuangan jo
Solanum tuberosum
Diambiak dari "https://min.wikipedia.org/w/index.php?title=Kantang&oldid=3154731"