Kubus Rubik

Kubus Rubik adolah pamainan teka teki mekanik nan ditamuan pado taun 1974 dek pamatuang jo profesor arsitektur Hongaria Ernő Rubik.^[1]Kubus ko tabuek dari plastik, tadiri dari 26 bagian ketek nan baputa pado sumbu nan tampak dan dipasarkan di kawasan Eropa pado bulan Mei 1980. Rubik's tacataik sabagai mainan paliang laku di dunia, jo sakitar 300 juta kubus Rubik, alun tamasuak tiruannyo. ^[2].

Pado bulan Maret 1970, Larry Nichols mambuek teka teki liku-liku badimensi 2×2×2 nan dapek diputa jo diajukan hak paten di Kanada untuak panamuan tasabuik. Kubus-kubus tu dipegang basamo-samo jo magnet. Nichols mandapek paten pado tanggal 11 April 1972, duo taun sabalun Ernő Rubik manamukan kubusnyo. Pado tanggal 9 April 1970, Frank Fox mangajukan permohonan hak patennyo "Spherical 3×3×3". Inyo manarimo hak patennyo di Inggirih pado tanggal 16 Januari 1974.

Pado patangahan taun 1970-an, Ernő Rubik bakarajo di Departemen Desain Interior di Akademi Seni Terapan jo Karajinan di Budapest . Inyo manggunoan kubus sabagai alat pangajaran untuak mambantu murik-muriknyo mamahami benda-benda 3D Tujuan sabananyo dari mambuek rubik ko adolah untuak manyalasaian masalah struktural pado bagian-bagian nan mandiri tanpa mekanisme nan manyababkan sado bagian-bagian tu runtuah. Inyo indak manyangko inyo alah mambuek teka-teki sampai inyo mangacaukan kubus-kubus tu untuak partamo kalinyo dan kudian mancubo malatakkannyo baliak ka posisi samulo. Rubik mandapek paten di Hongaria untuak panamuan "Kubus Ajaib"nyo pado taun 1975.

Uji cuba produksi partamo diproduksi pado taun 1977 dan dirilis ka toko-toko mainan Budapest. Kubus Ajaib disatukan basamo-samo jo potongan plastik nan manceganyo tapisah jo mudah, babeda jo magnet dalam desain Nichols. Pado September 1979, kasapakatan ditandatangani jo Ideal Toys untuak mambaok Magic Cube ka lua nagari di mano inyo dipamerkan pado pameran mainan di London, Paris, Nuremberg, jo New York .

Speedcubing adolah istilah untuak kagiatan 'mancubo manyalasaian Kubus Rubik sacapek mungkin'.^[3] Patandiangan Dunia partamo nan diadoan dek Guinness Book of World Records diadoan di Munich pado tanggal 13 Maret 1981 . Sagalo rubik dilumasi jo ''petrolium jelly'' . Pamanang rasmi, jo wakatu 38 datiak adolah Juri Froeschl dari Munich . Kajuaraan dunia internasional patamo diadokan di Budapest, Hongaria, pado tanggal 5 Juni 1982, dan dimanangkan dek Minh Thai, pelajar Vietnam dari Los Angeles, jo wakatu 22,95 datiak.

Blindfolded solving (acok disingkek sabagai BLD) adolah caro manyalasaikan Rubik jo mato tatutuik. Dalam manyalasaian jo tutuik mato, kontestan menghafal/maingek posisi warna Rubik nan dikacaukan jo mato tabukak, dan kamudian manutup mato sabalun manyalasaian Rubik. Wakatu mulai maetong dari saat cuber mamareso rubiknyo dan menghafalnyo. Rekor resmi dunia untuak tunggal 3x3x3 BLD adolah 12 datiak oleh Tommy Cherry dari Amerika Serikat pado kompetisi Triton Tricubealon 2024 nan diadoan di San Diego, California pado tanggal 11 Februari 2024. ^[4]

Salamo wakatu panyalasaian, peserta mamakai tutuik mato dan surang hakim mamacik karateh di bawah hiduang peserta. Hal iko supayo peserta indak bisa mancigok di bawah celah-celah tutuik mato jo hiduangnyo. Paraturan ko dibuek sasudah diungkapkan baso ado penipuan nan dilakukan dek pamacik rekor dunia BLD nan banamo Matyas Kuti dari Hongaria, nan ruponyo mangarajoan hiduang-mancigok (mancigok dari celah antaro hiduang jo tutuik mato).

Multiple blindfolfed solving atau BLD disabuik seni tatinggi dalam pamainan Rubik. Dalam pamainan ko, peserta malakukan hafalan BLD pado babarapo rubik sakaligus jo mato tatutuik tanpa jeda. Cabang iko jaleh manuntuik memori nan luar biaso, kaahlian jo panguasaan teknis, kakuatan konsentrasi nan tinggi, jo panyalasaian nan capek. Kini ko rekor dunia ko dipacik dek saurang warga negara Amerika nan banamo Graham Siggins, nan bahasil manyalasaian 62 dari 65 Kubus Rubik dalam wakatu 57:47 pado kompetisi Blind Is Back LA ^[5] 2022 nan diadokan di Los Angles, California pado tanggal 26 Juni 2022 ^[6]

One handed solving mamaralukan peserta untuak manyalasaian rubik jo sabalah tangan, baiak tangan kanan ataupun tangan kida.

Dalam hal iko, peserta mancubo manyalasaikan Rubik Rubik jo kakinyo, dimulai dari tahap inspeksi sampai manyalasaikan . Cabang ko sabananyo batandiang sacaro resmi dalam lomba WCA. Pamegang rekor rasmi adolah Daniel Rose-Levine dari Amerika Serikat jo wakatu rato-rato 16,96 datiak. ^[7]

Rekor dunia untuak manyalasaian Kubus Rubik jo mato tatutuik sukses dilaksankan pado kompetisi Jakarta Open 2010 pado tanggal 31 Januari 2010 di FX Mall, Jakarta . Rubik’s barukuran 3x3 jo mato tatutuik nan paliang banyak yaitu 16 buah salasai dalam wakatu 57 minik ateh namo Muhammad Iril Khairul Anam dari Indonesia. Salain dari itu, Indonesia juo alah mamacahkan rekor dunia lain, di cabang Jam Rubik ateh namo Jonathan Irvin Gunawan, nan baliau atur pado tanggal 26 Mei 2012 di Gedung Mengkuat Indonesia, Banduang . Inyo manyalasaian Jam Rubik jo wakatu rato-rato 7,09 datiak. Sagalo catatan ko tacataik di WCA.

Kini ko, pambuek rekor Rubiks Cube 3x3 nasional adolah Firstian Fushada jo rekor tunggal 5,47 datiak jo rato-rato 7,04 nan didapeknyo pado Kejuaraan Indonesia 2019 untuak rekor tunggal dan Matriks Mental Singapura 2019 untuak rekor rato-rato^[8].

1. ↑ "Kubus Rubik, Permainan Otak Yang mengasyikkan. Berbagai Trik bermain Rubik – DPMG Kota Banda Aceh" (dalam bahasa Indonesia). Diakses tanggal 2024-07-22. 
2. ↑ "Kubus Rubik, Permainan Otak Yang mengasyikkan. Berbagai Trik bermain Rubik – DPMG Kota Banda Aceh" (dalam bahasa Indonesia). Diakses tanggal 2024-07-22. 
3. ↑ "Rubik cube solve". ^{[pranala nonaktif]}
4. ↑ "Rekor | World Cube Association". www.worldcubeassociation.org. Diakses tanggal 2023-01-09. 
5. ↑ "Blind Is Back LA 2022 | World Cube Association". www.worldcubeassociation.org. Diakses tanggal 2024-07-24. 
6. ↑ "Rekor | World Cube Association". www.worldcubeassociation.org. Diakses tanggal 2024-07-24. 
7. ↑ "Rekor | World Cube Association". www.worldcubeassociation.org. Diakses tanggal 2023-01-09. 
8. ↑ "Firstian Fushada (符逢城) | World Cube Association". www.worldcubeassociation.org. Diakses tanggal 2024-08-31.