Lompat ke isi

Salman Aristo

Wikipedia Minangkabau - Lubuak aka tapian ilimu
Salmon Aristo
Lahia1976 (umur 47–48 tahun)
Jakarta, Indonesia
Alma materUniversitas Padjadjaran
KarojoPanulih naskah
Taun aktiflk. 2003 – kini
Notable work
Ayat-Ayat Cinta
Laskar Pelangi
Garuda di Dadaku
Sang Penari

Salman Aristo (lahia di Jakarta, 13 April 1976; umua 48 taun) adolah saurang panulih naskah jo sutradara film Indonesia nan dikana dek karya filmnyo Ayat-Ayat Cinta, Laskar Pelangi, Garuda di Dadaku, jo Sang Penari.

Lahia di Jakarta, Aristo tatarik jo film sajak ketek, walaupun inyo baru tajun ka industri film sasudah lulus dari universitas. Ateh saran dari kawannyo, inyo manulih naskah partamonyo untuak film Tak Pernah Kembali Sama.

Aristo, nan manikahi rekannyo sasamo panulih naskah banamo Ginatri S. Noer, dipangaruhi dek babarapo panulih naskah Barat jo Indonesia, tamasuak Woody Allen, Robert Altman, Richard Linklater, Richard Curtis, Arifin C. Noer jo Asrul Sani. Inyo alah dinominasikan untuak tigo Piala Citra untuak kategori panulisan skenario, walaupun inyo alun pernah manang.

Biografi

[suntiang | suntiang sumber]

Kahidupan awal jo karier

[suntiang | suntiang sumber]

Aristo dilahiakan di Jakarta pado taun 1976 dari kaluarga nan badarah Minangkabau. Sajak ketek, inyo alah tatarik jo film katiko inyo jo kaluarganyo pai ka bioskop basamo-samo;[1] dalam wawancara jo Tabloid Nova, inyo manyabuikan baso salah satu film partamo nan inyo liek adolah sabuah film komedi nan dibintangi Warkop. Katiko alah SMA pado taun 1988, inyo mulai pai ka bioskop untuak manonton film surang. Walaupun inyo suko jo film, inyo awalnya tagabuang dalam sabuah band indie.[2]

Sasudah SMA, Aristo mampalajari jurnalistik di Universitas Padjadjaran di Banduang,[3] nan lulus pado taun 1999. Katiko bakuliah, inyo tatap aktif di dunia musik indie jo bandnyo nan banamo Silentium.[2] Sasudah lulus, inyo bakarajo di bidang jurnalistik salamo babarapo wakatu sabalun pindah ka pambuatan film[4] ateh saran dari Dedi Rakswaradana, nan kemudian manjadi gitaris band Naff. Babarapo bulan kamudian, sasudah pindah ka Jakarta, skenario partamonyo, naskah 90 laman nan bajudul Tak Pernah Kembali Sama, dibaco dek sutradara Rudy Soedjarwo. Soedjarwo mambarikan naskah tu babarapo kritik, nan mandorong Aristo untuak mampelokan naskahnyo.[2]

Untuak mangarajokan naskahnyo, sajak taun 2002 Aristo mulai rutin pai ka Pusat Perfilman Usmar Ismail di Kuningan, Jakarta, untuak mambaco skenario. Babarapo karya nan inyo baco adolah karya-karya Asrul Sani, nan manuruiknyo sangaik baguno; inyo kamudian mangatokan baso naskah film Kejarlah Daku Kau Kutangkap adolah salah satu naskah film nan paliang rancak. Samantaro itu, inyo mandapek karajo sabagai pangulas film untuak majalah musik lokal, nan mambari inyo akses labiah gadang ka industri film.[2]

Kasuksesan jo karier salanjuiknyo

[suntiang | suntiang sumber]

Dalam sabuah seminar, Aristo basuwo jo sutradara Hanung Bramantyo. Inyo manunjuakkan naskahnyo ka Hanung. Hanung mamintak Aristo supayo manulih naskah untuak film baru nan inyo karajokan jo Leo Sutanto dari SinemArt. Karya iko dirilis pado taun 2004 malalui film Brownies. Film iko mandapek nominasi Piala Citra untuak kategori sutradara tabaik di Festival Film Indonesia untuak Bramantyo jo skenario asli tabaik untuak Aristo. Katiko Brownies sadang diproduksi, Aristo manulih ampek skenario lainnyo untuak film Catatan Akhir Sekolah, Cinta Silver, Jomblo, jo Alexandria. Kasado naskah iko dibuek manjadi film antaro taun 2005 jo 2006.[2] Sasudah kasuksesan iko, pado akhir 2006 Bramantyo mamintak Aristo jo bininyo, panulis skenario Ginatri S. Noer, untuak mangadaptasi novel Ayat-Ayat Cinta karya Habiburrahman El Shirazy, manjadi film. Filmnyo nan juo bajudul Ayat-Ayat Cinta, sangaik sukses di Indonesia. Kiprah kapanulisannyo ditaruihan dek Karma (2007), jo Kambing Jantan: The Movie (2008).[2]

Aristo alah maadaptasi babarapo karya Andrea Hirata (di gambar), dimulai jo Laskar Pelangi pado taun 2008.

Pado taun 2008, Aristo manulih skenario untuak adaptasi film dari novel Andrea Hirata bajudul Laskar Pelangi satalah dimintakndek produser filmnyo, Mira Lesmana. Film iko, nan disutradarai dek Riri Riza, laku di pasaran.[5] Inyo kamudian manulih skenario lainnyo untuak film Garuda di Dadaku (2009).[2] Film nan disutradarai dek Ifa Isfansyah iko dilaporkan barhasil manjua tiket sabanyak 1,2 juta.[6][7]

Pado bulan Maret 2011, Aristo manabikan Politweet, sabuah koleksi fiksi flash nan batema politik.[3] Pado taun nan samo, inyo sato manulih naskah untuak film Sang Penari basamo Ifa Isfansyah jo Shanty Harmayn; film iko adolah adaptasi dari trilogi Ronggeng Dukuh Paruk karya Ahmad Tohari.[8] Skenario film iko dinominasian untuak Naskah Terbaik pado Festival Film Indonesia 2011.[9] Salapeh tahun tu, inyo manulih skenario untuak film Lima Elang, sabuah film nan disutradarai dek Rudy Soedjarwo. Film iko mancaritoan kisah limo anak mudo di perkemahan, nan manjadi salah satu film lokal partamo nan manggunoan kepanduan sabagai tema utamonyo.[10] Film lainnyo nan bajudul Garuda di Dadaku 2 dirilis pado bulan Desember.[6] Sampai taun 2011, Salman jo Noer punyo duo urang anak.[3]

Filmografi

[suntiang | suntiang sumber]
  • Brownies (2004)
  • Catatan Akhir Sekolah (2005)
  • Cinta Silver (2005)
  • Alexandria (2007)
  • Jomblo (2007)
  • Ayat-Ayat Cinta (2007)
  • Karma (2008)
  • Laskar Pelangi (2008)
  • Kambing Jantan: The Movie (2008)
  • Sang Pemimpi (2009)
  • Garuda di Dadaku (2009)
  • Pasangan Baru (2010; film singkek; sabagai sutradara)
  • Hari Untuk Amanda (2010)
  • Jakarta Maghrib (2010; sutradara)
  • Sang Penari (2011)
  • Lima Elang (2011)
  • Garuda di Dadaku 2 (2011)
  • Negeri 5 Menara (2012; panulih jo produser)
  • Yasmine (2014, Brunei)
  • "Satu Hari Nanti" (2017; sutradara)

Rujuakan

[suntiang | suntiang sumber]
Catatan kaki
  1. ↑ Webb 2010, Salman Aristo: The story.
  2. ↑ a b c d e f g Ismono 2009, Salman Aristo, "Rajanya".
  3. ↑ a b c Siregar 2011, Book of Indonesian.
  4. ↑ Sertori 2011, Indonesia’s movies start.
  5. ↑ Setiawati 2011, Andrea Hirata: Home.
  6. ↑ a b Iwan 2011, Sports on Screen.
  7. ↑ Maryono 2011, Ifa Isfansyah: The man.
  8. ↑ Kurniasari 2011, Ronggeng 2.0.
  9. ↑ Sofyan 2011, Oka Antara Bersaing.
  10. ↑ Setiawati 2011, A closer look.
Daftar pustaka
  • Chudori, Leila S. (17 Januari 2011). "Menyorot Sepotong Jakarta" [Highlighting a Piece of Jakarta]. Tempo (dalam bahasa Indonesia). Jakarta. Diarsipkan dari versi asli tanggal 20 Januari 2011. Diakses tanggal 16 Januari 2024. 
  • Ismono, Henry (22 Juli 2009). "Salman Aristo, "Rajanya" Skenario Andal" [Salman Aristo, "King" of Quality Screenplays]. Tabloid Nova. Jakarta. Diarsipkan dari versi asli tanggal 1 Februari 2014. Diakses tanggal 16 Januari 2024. 
  • Iwan, Rizal (27 Oktober 2011). "Sports on Screen". The Jakarta Post. Jakarta. Diarsipkan dari versi asli tanggal 30 Januari 2012. Diakses tanggal 16 Januari 2024. 
  • Kurniasari, Triwik (8 Januari 2012). "Prisia Nasution: Enchanting Prisia". The Jakarta Post. Jakarta. Diarsipkan dari versi asli tanggal 16 Januari 2012. Diakses tanggal 16 Januari 2024. 
  • Kurniasari, Triwik (13 November 2011). "Ronggeng 2.0". The Jakarta Post. Jakarta. Diarsipkan dari versi asli tanggal 4 Maret 2016. Diakses tanggal 16 Januari 2024. 
  • Kurniasari, Triwik (4 Maret 2012). "The Land of Promises". The Jakarta Post. Jakarta. Diarsipkan dari versi asli tanggal 11 Maret 2012. Diakses tanggal 16 Januari 2024. 
  • Maryono, Agus (22 November 2011). "Ifa Isfansyah: The man behind 'Sang Penari'". The Jakarta Post. Jakarta. Diarsipkan dari versi asli tanggal 22 April 2015. Diakses tanggal 16 Januari 2024. 
  • Sofyan, Eko Hendrawan (1 Desember 2011). "Oka Antara Bersaing dengan Tio Pakusadewo" [Oka Antara Against Tio Pakusadewo]. Kompas (dalam bahasa Indonesian). Jakarta. Diarsipkan dari versi asli tanggal 3 Januari 2012. Diakses tanggal 16 Januari 2024. 
  • Purwanti, Tenni; Wahono, Tri (26 September 2011). "Fiksimini, Komunitas Sastra yang Lahir dari Twitter" [Fiksimini, Literary Community Born from Twitter]. Kompas (dalam bahasa Indonesian). Jakarta. Diarsipkan dari versi asli tanggal 3 November 2013. Diakses tanggal 16 Januari 2024. 
  • Sertori, Trishna (29 Oktober 2009). "Indonesia's movies start to mature". The Jakarta Post. Jakarta. Diarsipkan dari versi asli tanggal 8 Maret 2010. Diakses tanggal 16 Januari 2024. 
  • Setiawati, Indah (4 September 2011). "A closer look at scouts". The Jakarta Post. Jakarta. Diarsipkan dari versi asli tanggal 27 September 2011. Diakses tanggal 16 Januari 2024. 
  • Setiawati, Indah (16 Oktober 2011). "Andrea Hirata: Home for his parents". The Jakarta Post. Jakarta. Diarsipkan dari versi asli tanggal 16 Desember 2011. Diakses tanggal 16 Januari 2024. 
  • Siregar, Lisa (8 Maret 2011). "Book of Indonesian Twitter Tales Digs Deep". Jakarta Globe. Jakarta. Diarsipkan dari versi asli tanggal 18 Maret 2011. Diakses tanggal 16 Januari 2024. 
  • "The Awards Show Goes On, Despite Misfortunes". Jakarta Globe. Jakarta. 3 Desember 2010. Diarsipkan dari versi asli tanggal 6 Desember 2010. Diakses tanggal 16 Januari 2024. 
  • Webb, Cynthia (13 Desember 2010). "Salman Aristo: The story teller". The Jakarta Post. Jakarta. Diarsipkan dari versi asli tanggal 14 Desember 2010. Diakses tanggal 16 Januari 2024. 

Pautan lua

[suntiang | suntiang sumber]
Diambiak dari "https://min.wikipedia.org/w/index.php?title=Salman_Aristo&oldid=3148907"