Capitol Records

Capitol Records
Холдинг компанија	EMI (1955–2012); Universal Music Group (2012–денес; компанијата и повеќето каталози); Warner Music Group (2013–денес; некои снимки)
Основана	27 март 1942
Основач	Џони Мерсер, Бади Десилва и Глен Воликс
Статус	Активна
Дистрибутер	Interscope Capitol Labels Group (САД); EMI (Обединето Кралство); Universal Music Group (Меѓународно); UMe (реизданија);
Жанр	Различен
Земја на потекло	САД
Локација	Зграда на Капитал Рекордс, Холивуд, Лос Анџелес, САД

Capitol Records, LLC (до 2007 година регистрирана под името Capitol Records, Inc.) и позната како Capitol (транскрипција: Капитол) ― американска издавачка куќа основана во 1942 година во Лос Анџелес. Основана е како прва издавачка куќа со седиште на Западното Крајбрежје во Соединетите Американски Држави,^[1] а денес е во сопственост на Universal Music Group. Се смета за една од највлијателните музички компании во историјата на забавната музика.

Капитол е позната како издавачка куќа на Бич Бојс и The Kingston Trio, и како американска издавачка куќа на Битлси (нивна матична издавачка куќа била Parlophone). Други изведувачи од Capitol Records се: Кејти Пери, Ајс Спајс, Сем Смит, Трој Сиван, Кодак Блек, Меги Роџерс, Луис Капалди, Kings of Leon, Пол Макартни, Bee Gees и многу други.

Историја

Основање и рани години

Capitol Records била основана од текстописецот и продуцент Џони Мерсер^[2] со финансиска помош од филмскиот продуцент Бади Десилва и Глен Воликс, сопственик на Wallichs Music City. На почетокот, издавачката куќа се насочила на продукција на американска поп и џез-музика, привлекувајќи музичари како: Френк Синатра, Пеги Ли и Нет Кинг Кол.

Во сопственост на EMI

Во 1955 година, британската дискографска куќа EMI (од која подоцна ќе настане Universal Music Group) ја купила Capitol Records, по што во 1957 година го прекинала 55-годишниот договор за дистрибуција помеѓу EMI и RCA Victor на Западната Хемисфера. ЕМИ купила 96% од акциите на Капитол за 8,5 милиони американски долари.

Една од најпознатите карактеристики на Capitol Records е нејзината зграда во Лос Анџелес, позната како Capitol Records Tower. Изградена во 1956 година, оваа цилиндрична зграда е меѓу првите студиски комплекси за снимање музика. Таа е симбол на американската музичка индустрија и често се поврзува со богатата историја на издавачката куќа.

Меѓу најважните моменти во историјата на Capitol Records се случил во 1960-тите години, откако компанијата станала официјален американски издавач на The Beatles. Во 1963 година, Capitol објавила дека ќе го издаде нивниот албум Meet the Beatles! во САД, кој забележал огромен успех и отворил нова ера на британските музичари на американскиот пазар, позната како „британска инвазија“. Capitol издала многу од најзначајните албуми на Битлси, како: Rubber Soul, Revolver и Sgt. Pepper's Lonely Hearts Club Band.

Во текот на 1970-тите и 1980-тите, Capitol продолжила да доминира на музичката сцена. Издавачката куќа потпишала договори со многу популарни музичари, вклучувајќи ги: Pink Floyd, чиј албум The Dark Side of the Moon станал еден од најпродаваните албуми на сите времиња, како и The Beach Boys и Steve Miller Band. Capitol се проширил и во други жанрови на музика, вклучувајќи кантри и хип-хоп. Во 1980-тите, издавачката куќа имала голем успех со изведувачи како: Duran Duran и Тина Тарнер.

Во текот на 1990-тите и 2000-тите, Capitol Records била домаќин на музичари како: Radiohead, Coldplay и Кејти Пери, кои постигнале огромни меѓународни успеси.

Дистрибуција под Universal Music Group

Во 2012 година, EMI била преземена од Universal Music Group, а со тоа и Капитол станал дел од оваа групација.^[5]^[6]

Наводи

↑ „Capitol Records“. Johnnymercerfoundation.org. Архивирано од изворникот на December 12, 2020. Посетено на October 15, 2019.
↑ Предлошка:Pop Chronicles 40s
↑ Staff writer (July 5, 1969). „New Capitol Logo“ (PDF). Record World. Record World Publishing. 24 (1151): 22 – преку World Radio History.
↑ „Capitol labels“ (PDF). Friktech. Посетено на October 15, 2019.
↑ Brown, August (November 26, 2012). „Steve Barnett to lead Capitol Music Group“. Los Angeles Times.
↑ „It's Official: Steve Barnett Named Chairman and CEO of Capitol Music Group“. The Hollywood Reporter (англиски). November 26, 2012. Посетено на March 10, 2019.

Надворешни врски

[1] „Capitol Records“. Johnnymercerfoundation.org. Архивирано од изворникот на December 12, 2020. Посетено на October 15, 2019.

[pc1b2-2] Предлошка:Pop Chronicles 40s

[3] Staff writer (July 5, 1969). „New Capitol Logo“ (PDF). Record World. Record World Publishing. 24 (1151): 22 – преку World Radio History.

[4] „Capitol labels“ (PDF). Friktech. Посетено на October 15, 2019.

[5] Brown, August (November 26, 2012). „Steve Barnett to lead Capitol Music Group“. Los Angeles Times.

[6] „It's Official: Steve Barnett Named Chairman and CEO of Capitol Music Group“. The Hollywood Reporter (англиски). November 26, 2012. Посетено на March 10, 2019.

[1]