Loud e петтиот студиски албум на барбадоската пејачка Ријана, издаден на 12 ноември2010 од страна на Def Jam Recordings. Снимачките сесии и продукцијата за албумот се случија од февруари до август2010, за време на Last Girl on Earth турнејата на Ријана која имаше за цел да го промовира нејзиниот претходен албум Rated R. За албумот, Ријана има работено со неколку музички продуценти вклучувајќи ги СтарГејт, Ранерс, Полоу да Дон. Трики Стјуарт, Алекс да Кид и други. Loud е албум исполнет со денс-поп и поп песни, со брзо темпо и клуб-ориентиран стил. Со овој албум Ријана се враќа на нејзиниот денс стил од 2006 кој го имаше со албумот A Girl Like Me.
Албумот дебитираше на прво место на канадската и швајцарската табела на албуми. Loud влезе на број три на АмериканскиотBillboard 200, продавајќи 207,000 копии во првата недела од неговото издавање во Соединетите Држави, што го прави најмногу продаден албум на Ријана во неговата прва недела. Две издадени песни, вклучени во Loud направија голем успех на табелите низ светот. Тоа се меѓународниот хит „Only Girl (In the World)“ и „What's My Name?“. И двете песни го достигнаа првото место во САД. Од неговото издавање, албумот доби, најмногу позитивни критики од музичките критичари.
Во јуни2010, беше објавено дека Ријана во блиска иднина планира да го издаде нејзиниот петти студиски албум.[1] Снимачките сесии за албумот започнале уште во февруари2010 година,[2] и продолжиле во период од шест месеци, завршувајќи во август 2010.[3] Пејачите, композиторите и продуценти Тајо Круз,[4] Алекс да Кид,[5] Шон Гарет,[6]Не-Јо,[7] Рико Лав, Тимбеленд,[8] Шонтел,[9]Дејвид Гета[10] и Дрејк[11] работеа на албумот. „Ќе ми недостига ерата на Rated R, но ништо не може да се спореди со албумот којшто го направив“, рече Ријана, додавајќи, „Сигурна сум дека нема да се разочарате од мојата музика. Вие дечки секогаш ме браните, па еве сега имате неколку добри песни со коишто јас ќе го оправдам тоа. Не сакав да се враќам назад и да го ре-издадам Good Girl Gone Bad. Сакав да ви прикажам нов чекор во еволуцијата на Ријана и тоа е одлично за сите нас“.[3] Во ран септември 2010, таа изјави дека албумот ќе се вика „Loud“ притоа додавајќи „станете гласни (loud) сите, бидете луди, бидете возбудени, затоа што јас сум исто. Јас само ќе бидам онаква каква сум, затоа што вие дечки сакате највеќе, и тоа ме прави да се чувстувам добро. Само да бидеш нормален, а нормален за мене е да си гласен (loud)! Фенси, забавно, флертувачко, енергично.“[3] Додека Ријана беше на снимањетио на филмот Battleship, таа во интервју за Entertainment Tonight објасни: „Гласно (loud) е, зборот, името на албумот го опишува баш неговото однесување, доста е фенси и флертувачки и со тоа го зема твоето внимание и прави да уживаш во него. Те носи низ едно многу интересно возење. Тоа е многу разнобоен албум.“[12] Илустрациите за албумот беа објавени на 28 септември2010.[13]
Песните од албумот беа напишани од страна на Шонтел,[14] Истер Дин[15] и Ники Минаж.[16] Старгејт продуцираа физинг синтисајзери, клуб бутови и синг-алонг надпеења од кои силно се истакнуваат три песни на албумот, „Only Girl (In the World)“, „What's My Name?“ и „S&M“. „Cheers“, на која песна Ријана се обраќа и според нејзиниот работен наслов „Drink to That“ e фанки, гитара песна со која Ријана се обраќа на градот и излегувањата на младите. Таа содржи дел од песната на Аврил Лавињ, „I'm With You“. „California King Bed“ е акустична балада.„S&M“ е најгласната песна на албумот. Ријана ја опиша „Raining Men“ како „многу интересна песна. Доста оригинална. Таа е со брзо темпо, но интересна и задирлива.“[16] Ријана и Дрејк го опишаа нивниот дует, „What's My Name“ како „младешка“ и „разиграна“ песна.[17]
Според Ријана, моменталниот план е таа да ја издаде „S&M“ како трет сингл, со план тој да се појави со „неочекувано“ музичко видео.[22][27] Сепак, во скорешно радио интервју Ријана изјави дека сака нејзините обожаватели да го изберат нејзиниот трет сингл споменувајќи ги „S&M“ и „Cheers“ како варијанти за избор.[28] Додека се прави изборот за трет сингл „Raining Men“ беше издадена на американското Urban radio на 7 декември2010.[29] Во меѓувреме „S&M“ се искачи на 72 место на канадската сингл табела, на 53 на американскиот Billboard Hot 100, на 55 место на британската сингл табела, како и на 4 место на норвешката табела.[30][31][32]
