Esopo

Esopo fui un scritor de la Grécia Antiga la quien son atribuídas bárias fábulas populares. A el se atribui la paternidade de las fábulas cumo género literairo.

Malgrado sue eisisténcia permaneça an dada medida ancierta i pouco se saba quanto a l'ourige de bárias de sues obras, sous cuntos se desseminórun an muitas lénguas pula tradiçon oural. An muitos de sous scritos, ls animales falan i ténen caratelísticas houmanas.

Las fábulas de Esopo serbiran cumo base para recriaçones d'outros scritores al longo de ls seclos, cumo Fedro i La Fontaine.

L fabulista griego tenerie nacido ne l final de l seclo VII a.C. ó ne l'ampeço de l seclo VI a.C.. Heiráclides de l Punto na obra Acerca de ls Samios, afirmaba que Sopo nacera na Trácia. Cierto ye que morriu an Delfos, tenendo sido eisecutado anjustamente, segundo çcribe Heiródoto (Stórias, II, 134) i l Suda. Segundo Heiródoto, Sopo fui scrabo de l filósofo Janto (Xanto), un cidadano de Samos, juntamente cun ua outra scraba chamada Ródope.

Las fábulas de Esopo i outras possiblemente a el atribuídas fúrun reunidas pula purmeira beç por Demétrio de Faleros, ne l'ampeço de l seclo III a.C..

Aristóteles afirmou na Retórica que Esopo tenerie ua beç çcursado na Assembleia de Samos an defesa dun demagogo. Platon cita l nome de Esopo ne l diálogo Fédon (60c-61a), l que faç muitos la cuncluíren que sues fábulas éran mui coincidas nesse momiento stórico posterior.

Antretanto, fui-le atribuído un cunjunto de pequeinhas stórias, de caráter moral i alegórico, cujos papéis percipales éran zambolbidos por animales. Na Atenas de l seclo V a.C., essas fábulas éran coincidas i apreciadas.

Las fábulas que le son atribuídas sugíren normas de cunduta que son eisemplificadas pula açon de ls animales (mas tamien d'homes, diuses i mesmo cousas inanimadas). Sopo partie de la cultura popular para cumpor sous scritos. Ls sous animales falan, cometen erros, son sábios ó tolos, malos ó buonos, satamente cumo ls homes. L'antençon de Sopo, an sues fábulas, era amostrar cumo ls seres houmanos podien agir, para bien ó para mal.

• AVELEZA, Manuel. As Fábulas de Esopo (Texto Bilíngüe). Rio de Janeiro: Thex, 1999, ISBN 8585575956.
• (an pertués) Fábulas de Esopo - Drummond, Regina. Editora Paulus, ISBN 8534905452.
• Diogenes Laertios. Vidas e Doutrinas de Filósofos Ilustres (trad. Mario da Gama Kury). Brasília: UnB, 1987.
• Platão. Fedão. Tradução Carlos Alberto Nunes. Belém: UFPA, 1973.
• O PENSADOR, site, Pesquisado na Internet. Disponível em <http://pensador.uol.com.br/autor/esopo/biografia/> 05/11/2015, . Acesso em 05/11/2015.

• Modelo:PG-US-autorProject GutenbergModelo:PG-US-autor
• Esopo no site sitio da Bibliotheca Augustana (Augsburgo) (em grego)
• Aesopi Phrygis fabellae Graece & Latine. Basilea, 1524
• Aesopica.net^{[lhigaçon einatiba]} Mais de 600 fábulas de Esopo em Inglês, acrescido de textos em latim e grego - ((en))
• Fábulas en griego Arquibado an 2010-06-21 ne l Wayback Machine. (assuntos em ((es))).
• Aesop's Fables - Introduction and notes by D.L.Ashliman (em inglês)