Nicole Kidman

Nicole Kidman
Nacimiento	Modelo:Dnibr Honolulu, Habaí
Nacionalidade	australiana norte-amaricana
Cónjuge	Ton Cruise (1990 - 2001) Keith Ourban (2006 - atualmente)
Acupaçon	atriç

Nicole Mary Kidman, AC (Honolulu, 20 de Júnio de 1967), ye ua atriç australiana nacida ne ls Stados Ounidos, bencedora de l Oscar i de dibersos outros prémios de prestígio.^[1]

A la época de sou nacimiento, la família moraba ne l Habaí, tenendo lougo se mudado para Washington, DC; quando la pequeinha Nicole tenie trés anhos, ls Kidman buoltórun para Sydney, adonde eilha creciu i ampeçou a trabalhar cumo atriç ne ls anhos de 1980.

Passado ua carreira bariada an cinema de telebison ne ls EUA i na Oustrália, siempre an filmes menores, Nicole tubo sue ouportunidade de brilhar an Dead Caln (br: Terror la Bordo), de 1989, cun Billy Zane i San Neill, ua stória de suspense i terror subre un casal de beleijadores que resgata un subrebibente de afogamiento an alto mar.

A partir dende, sue carreira antrou nua permanente ascenson, zde l filme de l'anho seguinte, Days of Thunder (br: Dies de Trobon), passando por buonos papéis an To Die Fur (br: Un Suonho Sin Lemites), Malice (br: Malícia), The Peacemaker (br: L Pacificador), trabalhando cul ex-marido an Eyes Wide Shut (br: De Uolhos Bien Cerrados) de l mito Stanley Kubrick até zambocar an sous grandes sucessos premiados cumo Moulin Rouge i The Hours (br/t: Las Horas), que le rendiu un Oscar an 2002.

Ten ua streilha na Calçada de la Fama, localizada ne l númaro 6801 de l Hollywod Boulebard i por ser filha d'australianos nacida ne l Habaí, ten dupla cidadanie.^[2][3]

Fui nas filmaiges de Days of Thunder qu'eilha conheciu sou purmeiro marido, Ton Cruise. Eilhes se casórun an 1990 i adotórun dues ninos, Isabella Jane Cruise i Cunnor Anthony Cruise. An 2001, passado onze anhos de casamiento, ls atores se separórun. L dibórcio fui stremamente splorado pula média, pus, Ton Cruise fui l purmeiro a anunciar a l'amprensa, i segundo boatos, Nicole staba anfeliç cula separaçon. Cinco anhos depuis, Nicole fizo sue purmeira apariçon pública cul namorado neozelandés i cantor de música country Keith Ourban. An 2006 eilhes se casórun i ténen dues filhas: Sunday Rose, nacida 7 de júlio de 2008 i Faith Margareth, nacida 28 de dezembre de 2010.

La purmeira apariçon de l'atriç ne l cinema fui an 1983 als 15 anhos, ne l bídeo musical de Pat Wilson pa la música "Bop Girl". Até al final de l'anho tubo un papel coadjubante na série de telebison Fibe Mile Crek i mais quatro papéis ne l cinema, ancluindo BMX Bandits i Bush Christmas. Durante ls anhos 1980, eilha apareciu an bárias porduçones de la Oustrália, ancluindo la nobela La Country Pratice , las menisséries Bietname (1986), Emerald City (1988), i Bangkok Hilton (1989).^[4]

An 1989, Kidman streou an Dead Caln cumo Rae Angran, a mulhier de l'oufecial de la Marina John Angran (San Neill) an catibeiro pul psicopata Hughie Warriner (Billy Zane), nua biaige d'iate pul ouceano Pacífico. L thriller recebiu oupeniones fuortes, la rebista Bariety, comentou: "Al longo de l filme, Kidman ye eicelente. Eilha dá l caráter de rala tenacidade rial i einergie".^[5] Anquanto esso, l crítico Roger Ebert salientou l'eicelente química antre ls filos, afirmando: "… Kidman i Zane gírun cenas reales, l rábia palpable nas sues cenas juntos.^[6] An 1990, l'atriç apareciu al lado de Ton Cruise an Days of Thunder, i outra beç an Far and Away (1992), dirigido por Ron Howard. An 1995, çtacou.se an Batman Foreber.^[7]

Fui nomeada quatro bezes cumo ua de las pessonas mais guapas de l mundo pula rebista People, an 1996, 1999, 2002 i 2004.^[8]

Singles

Outras Músicas

Refréncias

L Wikiquote ten ua coleçon de citaçones de ó subre: Nicole Kidman.

L Commons ten ua catadorie cun eimaiges i outros fexeiros subre Nicole Kidman

• Modelo:Eimdb nome
• .com Páigina oufecial ()

• Portal de l cinema