Demis Hassabis
Demosthenes „Demis“ Hassabis (* 27. Juli 1976 in London) is en britsch KI-Forscher, Neurowetenschapler, Computerspeel- un Softwareentwickler, Schachspeler as ok 2010 Mitbegrünner vun dat in London grünnd Ünnernehmen DeepMind Technologies. 2024 wurr hüm de Nobelpries för Chemie tospraaken.
Leven un Karriere
[ännern | Bornkood ännern]Demis Hassabis wurr as Söhn vun en greeksch-zyprisch Vader un en ut Singapur stammen Moder in London boren.[1][2][3] Af 1994 studeer he Informatik an dat Queens’ College vun de University of Cambridge un kreeg 1997 sien Afsluss mit düppelt Utteknung („double first-class honours“).[4] Sien Doktertitel kreeg he 2009 an dat University College London in kognitiver Neurowetenschap promoviert.[5]
In dat Öller vun 15 Johren hett Hassabis för dat britische Computerspeel-Entwicklungsstudio Bullfrog Productions arbeit un weer för de KI vun Populous II verantwortlich.[4] Wiedere Bullfrog-Titel mit sien Bedeeligung sünd Syndicate un Theme Park. 1997 wessel he to Lionhead Studios, dat nee Ünnernehmen vun den Bullfrog-Grünner Peter Molyneux, wo he an de Entwicklung vun Black & White bedeeligt weer. Een Johr later hett he in London sien eegen Entwicklungsstudio Elixir Studios grünnd, dat 2003 un 2004 de Spelen Republic The Revolution un Evil Genius herutbrocht herr, bevör dat 2005 dicht maakt wurr. Hassabis hett denn de Computerspelen-Industrie verlaaten un de Forschung towennd. [6]
_(2).jpg)
De vun Hassabis mitgrünnd Firma DeepMind Technologies hett de KI-Software AlphaFold entwickelt; de Software gellt as Döörbröök bi de Vörherseggen vun de Proteinstruktur footend up de Aminosüersequenz vun dat Protein. Dat Ünnernehmen hett aber ok an en Lösung för dat Brettspeel GO arbeit un AlphaGo entwickelt,[7] dat 2016 den südkoreaanschen Grootmeester Lee Sedol slahn dee.[8] DeepMind wurr 2014 för rund 400 Millionen US-Dollar vun Google övernommen.[9]
2024 wurr Hassabis gemeensam mit John Michael Jumper de Nobelpries för Chemie tospraaken. Se kreegen de Utteknungen för hör Vörherseggen vun komplex Proteinstrukturen mit Hülp vun künstlicher Intelligenz. Gliektiedig wurr David Baker för sien Forschungen up dat Rebeet vun dat computerstütt Proteindesign ehrt.[10]
Schach
[ännern | Bornkood ännern]In’n Schach drocht Hassabis siet 2002 den Titel Candidate Master un speel van 1998 bit 2001 in de Division 1, de hööchste Speelklass vun de Four Nations Chess League. In de Saison 1998/99 speel he för de Mannschap vun Home House, in de Saison 1999/2000 för de Mannschap vun Index-IT, de dör den Tosommensluss vun Home House mit den Invicta Knights entstunn, un in de Saison 2000/01 för de tweet Mannschap vun Beeson Gregory, de wedderum dör den Tosommensluss vun Index-IT mit The AD's entstunn.
Utteknungen
[ännern | Bornkood ännern]- 2020 Dan-David-Pries[11]
- 2021 IRI Medal
- 2021 Wiley Prize in Biomedical Sciences
- 2022 Prinzessin-von-Asturien-Pries in de Kategorie „Wetenschap“[12]
- 2022 BBVA Foundation Frontiers of Knowledge Award[13]
- 2023 Breakthrough Prize in Life Sciences
- 2023 Global Swiss AI Award 2022[14]
- 2023 Canada Gairdner International Award
- 2023 Albert Lasker Basic Medical Research Award[15]
- 2023 Ehrendokter vun deETH Lausanne[8]
- 2023 Lovelace Medal[16]
- 2024 Keio Medical Science Prize
- 2024 Nobelpries för Chemie
Liddmaatschapen
[ännern | Bornkood ännern]Schriften (Utwahl)
[ännern | Bornkood ännern]- Demis Hassabis, Eleanor A. Maguire: Deconstructing episodic memory with construction. In: Trends in Cognitive Sciences. Band 11, Nr. 7, Juli 2007, S. 299–306, doi:10.1016/j.tics.2007.05.001, PMID 17548229.
- Daniel L. Schacter, Donna Rose Addis, Demis Hassabis, Victoria C. Martin, R. Nathan Spreng, Karl K. Szpunar: The Future of Memory: Remembering, Imagining, and the Brain. In: Neuron. Band 76, Nr. 4, November 2012, S. 677–694, doi:10.1016/j.neuron.2012.11.001, PMID 23177955, PMC 3815616 (fre’en Vulltext).
Weblinks
[ännern | Bornkood ännern]
- Homepage vun DeepMind
- FIDE-Koort
- Demis Hassabis bi de Royal Society
Enkeld Nahwiesen
[ännern | Bornkood ännern]- ↑ Οι άγνωστοι και εκκεντρικοί Ελληνες κροίσοι του Λονδίνου. 30. Mai 2014, afropen an’n 9. Oktober 2024 (greeksch).
- ↑ Klaus Taschwer: Demis Hassabis: Vom Wunderkind zum weltweit führenden KI-Pionier. In: Der Standard. 3. August 2022, afropen an’n 9. August 2022.
- ↑ Χρήστος Παπαδόπουλος: Η Τεχνητή Νοημοσύνη στη μάχη με τον κορονοϊό (Covid-19). In: Δημοσιογραφία. 24. März 2020, afropen an’n 9. Oktober 2024 (greeksch).
- ↑ a b Samuel Gibbs: 15 Facts About The Genius Behind Google's New $400 Million Artificial Intelligence Company. The Guardian, 28. Januar 2014, afropen an’n 9. Oktober 2024 (amerikaansch Engelsch).
- ↑ Porträt – DeepMind Chef Demis Hassibis. businessinsider.com.
- ↑ Phil Iwaniuk: A conversation with Demis Hassabis, the Bullfrog AI prodigy now finding solutions to the world’s big problems. In: PCGamesN. 15. Juli 2016, afropen an’n 6. Mai 2022 (engelsch).
- ↑ Tom Simonite: Googles Intelligenz-Designer. In: Technology Review. Afropen an’n 15. März 2016.
- ↑ a b Hannes Grassegger und Mikael Krogerus: Die Menschheit zur vollen Entfaltung bringen. In: Das Magazin No. 44, 4. November 2023, S. 8–15.
- ↑ Demis Hassabis – Ritter der digitalen Tafelrunde. süddeutsche.de.
- ↑ Chemie-Nobelpreis geht an drei Proteinforscher. In: tagesschau.de, 9. Oktober 2024 (afropen an’n 9. Oktober 2024).
- ↑ Dan David Prize 2020
- ↑ Prinzessin-von-Asturien-Preis 2022
- ↑ BBVA Foundation Frontiers of Knowledge Awards 2023
- ↑ Michele Andina (video): Mit "humanistischer" KI gegen China und die USA. Afropen an’n 13. Februar 2023.
- ↑ Albert Lasker Basic Medical Research Award 2023
- ↑ Google DeepMind’s Demis Hassabis among the recipients of prestigious computing award - BCS Lovelace Medal 2023 | BCS. Afropen an’n 19. Januar 2024 (engelsch).