Flagg vun Gabun

De Flagg vun Gabun wurr an‘ 9. August 1960 offiziell inführt.

Gabun is en vun de wenig Länner in dat ehmalge franzöösch Kolonialrebeet, de bi de Erlangung vun de Unafhängigkeit nich de panafrikaansch Farven för hör Flagg inführen deen. De Natschoonalflagg besteiht ut en horizontaal Trikolore in Gröön, Geel un Blau.

Gröön steiht för de Wälder vun dat Land, deren Holt en Hööftandeel vun de Wertschap utmakt, Geel steiht för de Sünn bzw. den Äquator, de dör dat Land löppt un Blau för dat Land as seefohrend Natschoon.

Tovör weer siet 1959 en franzöösch Kolonialflagg mit glieker Muster (bi ünnerscheedlich breet Striepen) un de franzöösch Trikolore in‘ Gösch in Gebruuk.

• 
  Flagg vun Gabun 1959 bit 1960

Flaggen vun Gabun. Mehr Biller, Videos oder Audiodateien to’t Thema gifft dat bi Wikimedia Commons.

• Flags of the World - Gabon (engelsch)