Gemeen Gnarrenborg

Wapen/Flagg

Koort

Basisdaten

Bundsland: Neddersassen

Landkreis: Rodenborg

Flach:

122,91 km²

Inwahners:

9205 (31. Dezember 2022)

10 m över de See

27442

04763

Koordinaten:53° 23′ N, 9° 0′ O53° 23′ N, 9° 0′ O

Grenzen bi OSM:

1050510

Gemeenslötel:

03 3 57 016

Öörd in de Gemeen:

12

Börgermeester:

Axel Renken (SPD)

Websteed:

www.gnarrenburg.de

Koort

Kreis

Gnarrenborg (hoochdüütsch Gnarrenburg) is en Gemeen (Eenheitsgemeen) in’n Landkreis Rodenborg in Neddersassen mit 9205 Inwahners (Stand 31. Dezember 2022).

Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Geografie

Dat Rebeet vun de Eenheitsgemeen liggt an’n Noordrand vun dat Düvelsmoor un stellt dorüm ok en Swoorpunkt för den Tourismus dor, de sik üm dat Moor afspeelt. Gnarrenborg is ok en Holltpunkt op de Iesenbahnlien „Moorexpress“, de Oosterholt-Scharmbeek un Bremervöör mitenanner verbinnt un vundaag tomeist blots noch för de Tourismus föhrt. Dat Gemeenrebeet warrt vun den Hamm-Oost-Kanaal dörtogen, de de beiden Strööm verbinnt un fröher för dat Belevern vun Bremen un Hamborg mit Törf dacht weer.

De Navergemenen sünd Basdaal un Örel in’n Noorden, Bremervöör in’n Noordoosten, Sandbossel un Sürsen in’n Oosten, Oostereis un Rhaar in’n Süüdoosten, Breddörp un Worpsweed in’n Süden, Vollerso in’n Süüdwesten, Holste in’n Westen un Beverst in’n Noordwesten.

Historie

De Gemeen Gnarrenborg is an’n 1. März 1974 ut de olen Gemenen Gnarrenborg, Barkhusen un Findörp tohoopleggt worrn. An’n 8. April 1974 kemen dor tosätzlich noch Brillit, Glinst, Korlshöben, Kuhs (mit den Oort Kuhstermoor, dat dor siet 1. März 1974 tohöört hett) un Langenhusen (mit de Öörd Augustendorp, Fohrendörp un Klenkendörp, de dor siet 1. März 1974 tohöört hebbt) to.

Inwahnertall

Johr	Inwahners
1987-12-3131. Dezember 1987^[1]	8.438
1992-12-3131. Dezember 1992^[1]	8.749
1997-12-3131. Dezember 1997^[1]	9.199
2002-12-3131. Dezember 2002^[1]	9.473
2007-12-3131. Dezember 2007^[1]	9.513
2012-12-3131. Dezember 2012^[1]	9.179

Politik

De Eenheitsgemeen besteiht ut 12 Oortschoppen, de fröher enkelte Gemenen ween sünd, aver an’n 8. April 1974 bi de Gemeenreform in Neddersassen tohopenleggt worrn sünd.

Oortschoppen

De Tallen geevt de Inwahnertallen an (Stand vun’n 1. Januar 2011):

Augustendorp (276)
Barkhusen (281)
Brillit (922)
Fohrendörp (399)
Findörp (366)
Glinst (604)
Gnarrenborg (3.026)
Klenkendörp (255)
Kuhs (1.136)
Kuhstermoor (224)
Korlshöben (1.309)
Langenhusen (606)

Gemeenraad

Gemeenraad
Johr \ Partei	Tall	CDU	SPD	FDP	WFB	enkelt
2001	26	12	13	-	1	.
2006	24	10	11	1	2	-
2011	24	9	13	-	2	-
2016	24	9	11	1	2	1

Liddmaten

2011:
As Börgermeester: Axel Renken

CDU: Kurt Buck, Roland Caillé, Detlef Cordes, Christina Gieschen, Hinrich Kackmann, Detlef Kück, Udo Poppe, Sven Riemstädt, Martin Wilshusen

SPD: Heino Böttjer, Wiebke Düßmann-Kühn, Volker Kullik, Norbert Loock, Hans-Günther Lorenz, Hans Murken, Rosine Nolte, Hans-Martin Pingel, Stefan Prüß, Arnold Renken, Ralf Rimkus, Dieter Wellbrock

WFB: Rainer Müller, Erwin Murken

ahn Frakschoon: Johann Steffens (bet 2014 bi de SPD)

Börgermeesters

Tied	Naam	Partei
~1986	Adolf Otte
–2006	Ernst Bayer	CDU
2006–	Axel Renken	SPD

Wapen un Flagg

Dat Wapen vun de Gemeen Gnarrenborg wiest en root zinnte Muer mit en Zinnentoorn över sülverne Bülgen. Dorünner is en twölfarmige Lilienhaspel to sehn.

Dat Wapen is vun den Stoder Synodl Klein plaant un vörleggt worrn un weer an’n 24. April 1978 vun’n Gemeenraat annahmen. De Annahm is an’n 23. Januar 1979 vun’n Landkreis Rodenborg bestätigt worrn.

De Muer över de Bülgenlien düüd op de Gnarrenborg hen, de an de Waterscheed legen hett un den Naam för de Oortschap un de Gemeen hergeven hett. De twölfarmige Lilienhaspel steiht för de twölf Gemenen, ut de sik de hüdige Eenheitsgemeen tohopensett. De Lilie warrt faken in de Volkskunst vun de Landschap verwennt, wo de Öört an’n Rand vun’n Moor oder as Folg vun de Moorkoloniseeern as Inseln in’t Moor leegt.

Partnerschoppen

De Gemeen hett siet 1990 en Partnerschop mit Baalberge in Sassen-Anholt.

Weertschop un Infrastruktur

De Hauptoord Gnarrenborg gellt na dat Regionale Ruumordnungsprogramm as Grundzentrum för de Öörd in de Ümgegend.

In de Gemeen Gnarrenborg befindt sik ünner annern de Zentraal vun den groten europääschen Lüchtenhersteller Brilliant. In Gnarrenborg liggt ok en Törf- un Humuswark, dat to dat Ünnernehmen Meiners ut Bössel höört.

Verkehr

Dör de Gemeen löppt de B 74, de Oosterholt-Scharmbeek mit Bremervöör verbinnt. De Gemeen warrt eenmol vun Glinst över Karlshöben un Gnarrenborg bit Kuhs vun de L 122 dörtogen, de na Süüdosten in de Samtgemeen Sürsen föhrt un wieter in’n Noorden an de B 71 ranlöppt.

Scholen

In de Gemeen gifft dat söss Kinnergoorns un Kinnerdaagsteden. Bito gifft dat de dree Grundscholen Koarlshöm, Kuhs un de Klenkendörper Möhl. In Gnarrenborg steiht de Oberschool Oost-Hamm-School.

Sport

In Gnarrenborg gifft dat en Dreefachhall för sportliche Aktivitäten. In’t Gemeenrebeet gifft dat butendem wietere veer Turnhallen, en Sportplatz un fief Footballplätz. In Koarlshöm besteiht op den öörtlich Flaagplatz (Flegerplatz Korlshöben) de Mööglichkeit för Sportflegeree. De Bahn is 700 m lang.