Rosebank (Brenneree)

Rosebank
De Brenneree Rosebank (2006)
Land	Schottland
Region	Lowlands
Tyyp	Malt
Status	stillleggt (1993)[1]
Besitter	British Waterway Board
Grünnt	1840
Grünner	James Rankine
Waterborn	Carron Valley Reservoir
Washstill(s)	1
Intermediatestill(s)	1
Spiritstill(s)	1
Produkschoonsvolumen	320.000 l
Websteed	www.discoverrosebank.com

Rosebank is en Whisky-Brenneree in Camelon, Falkirk, Schottland. De Hüüs vun de Anlaag, de noch staht, sünd in de schottischen Denkmollisten in de Kategorie B inordent^[2].

De Destille is bi 1840 rüm vun James Rankine grünnt worrn, man op dat Land vun de Brenneree is woll al siet 1798 vun de Bröder Stark Whisky brennt worrn. Gegenöver vun Rosebank, op de annern Siet vun den Forth-Clyde-Kanal, leeg de vun John Stark bedrevene Camelon-Brenneree, de 1861 dicht maakt worrn is. Vörher al, harr Rankine de Molteree vun de Camelon-Destille pacht. As de Camelon-Brenneree stillleggt weer, hett R.W. Rankine, de Söhn vun James Rankine, de intwüschen in de Rosebank-Destille dat Seggen harr, un ehr 1864 vun Grund op renoveren laten hett^[3], de Camelon-Destille övernahmen. Bit op de Molteree hett he 1865 allns afrieten laten. Blangen Clydesdale, Glenkinchie, Grange un St. Magdalene weer Rosebank 1914 een vun de fief Destillen ut de de Scottish Malt Distillers (SMD) grünnt worrn is. Twüschen 1917 un 1919 is keen Whisky produzeert worrn. De olle Molteree weer 1968 dichtmaakt un afreten. 1987 güng de Destille in den Besitt vun de United Destillers (UD, vundaag Diageo). Siet Mai 1993 is de Brenneree stillleggt. De Hüüs sünd 2002 an de British Waterways verköfft worrn^[1].

De Rosebank-Destille höör to dat schottische Whiskyrebeet Lowlands un hett dat Water för de Produkschoon ut dat Carron Valley Reservoir in de Fintry Hills nahmen. In de Brenneree geev dat en Meeschfatt, en wash still, en low-wine still un en spirit still – de Whisky weer also dreefack destilleert^[1].

• List vun de schottischen Brennereen

1. ↑ ^{a b c} Misako Udo: The Scottish Whisky Distilleries. Black & White Publishing, Edinburgh 2006, ISBN 1-845-021304.
2. ↑ Indrag in de schottischen Denkmollisten
3. ↑ Indrag in’t Dictionary of Scottish Architects

Rosebank. Mehr Biller, Videos oder Audiodateien to’t Thema gifft dat bi Wikimedia Commons.

• Indrag bi Royal Commission on the Ancient and Historical Monuments of Scotland mit Biller (engelsch)
• Indrag bi Buildings at Risk mit Biller (engelsch)

Koordinaten:56° 0′ N, 3° 48′ W