Zevener Geest

De Zevener Geest is en Geestrebeed in’n Noordoosten von Neddersassen un höört to de Stoder Geest. Nöömt is se na de Stadt Zeven. Na dat Handbuch der naturräumlichen Gliederung Deutschlands is dat en Naturruum mit en Grött von 1645 km².

De Zevener Geest liggt in dat Elv-Werser-Dreeeck twüschen de Städer Hamborg, Bremen un Bremerhoben. Se is twüschen de Öörd Söttmer, Bremervöör, Stood, Buxthu, Töst, Scheeßl un Rodenborg. In’n Westen grenzt se an dat Hamm-Oost-Daal mit dat Düvelsmoor, in’n Süden an dat Wümm-Daal un in’n Noordwesten an de Wersermünner Geest.^[1] Na Süüdoosten to liggt de Lümbörger Heid un na Noordoosten to doot de Elvmaschen liggen.

Administrativ höört dat Rebeed to de Landkreise Veern, Horborg, Rodenborg un Stood, de fröher to’n Regerungsbezirk Stood höört hebbt.

Dat Rebeed is präägt von Grundmoränen ut de Iestieden, de von de Daals von Strööm so as Swing, Au, Eest un Oost ünnerbraken sünd, de sik in den Sandgrund rinfreten hebbt. Deelwies hett sik Moor billt. Dat Gelänn is an’n Rand na de Lümbörger Heid bet 50 Meter över NN hoog, na Westen daalt dat op 20 bet 30 Meter över NN.

• Bremervöör
• Buxthu
• Gnarrenborg
• Harsfeld
• Heeßel
• Jeem
• Kutenhult
• Obbens
• Otterbarg
• Söttmer
• Stood
• Sürsen
• Tarms
• Töst
• Zeven
• Zittens

1. ↑ Bundesamt för Naturschuul afropen an’n 8. November 2013