Hallvard Bakke

Hallvard Bakke (fødd 4. februar 1943 i Flesberg i Buskerud) er ein norsk økonom, journalist, tidlegare politikar for Arbeidarpartiet og sidan 2006 styreleiar i NRK.

Som student gjennomførte han russiskkurset i Forsvaret og utdanna seg til siviløkonom ved Noregs Handelshøgskole (1968).

Bakke arbeider ved Norsk institutt for strategiske studier (Noriss), ei vidareføring av Europa-programmet, som seniorrådgjevar. Han vart vald inn på Stortinget frå Hordaland i fem samanhengande periodar frå 1977 til 1997 etter å ha vore vararepresentant dei to føregåande periodane, 1969–1973 og 1973–1977. Hallvard Bakke var handels- og skipsfartsminister i regjeringa Nordli i 1976–1979, og kultur- og vitskapsminister i regjeringa Brundtland II i perioden 1986–1989. I EU-debatten markerte han seg tydeleg på nei-sida, og var leiar for SME (Sosialdemokratar mot EU).

Han var økonomisjef ved Den Nationale Scene frå 1969 til 1976, og før det var han i eitt år informasjonssjef same stad. Bakke er styreleiar i dansekompaniet Carte Blanche, og er eller har vore spaltist i avisene Dagsavisen, Klassekampen og BA. Han har også arbeidd eitt år som journalist i sistnemnde. I tillegg har han leidd Dagspresseutvalet og Massemedieutvalet, og skrive fleire bøker.

Hallvard Bakke var tidlegare gift med Gunvor Hals, programleiar i NRK.

• 15. januar 1976–8. oktober 1979: statsråd i Handels- og skipsfartsdepartementet
• 9. mai 1986–16. oktober 1989: statsråd i Kultur- og vitskapsdepartementet

• 8. oktober 1981–30. september 1985: andre varapresident i Odelstinget
• 5. november 1984–15. desember 1984: mellombels president i Odelstinget
• 9. oktober 1985–9. mai 1986: andre varapresident i Odelstinget

• 1977–1981: medlem i Kyrkje- og undervisningskomitéen
• 1977–1981: varamedlem i Valkomitéen
• 1981–1985: nestformann i Fullmaktskomitéen
• 1981–1985: varamedlem i Valkomitéen
• 1981–1985: medlem i Finanskomitéen
• 1981–1985: varamedlem i Kontrollkomitéen
• 1981–1985: medlem i Den førebuande fullmaktskomitéen
• 1985–1989: medlem i Fullmaktskomitéen
• 1985–1989: varamedlem i Valkomitéen
• 1985–1989: varamedlem i Den utvida utanriks- og konstitusjonskomitéen
• 1985–1989: medlem i Finanskomitéen
• 1985–1989: medlem i Kontrollkomitéen
• 1989–1993: medlem i Kommunal- og miljøvernkomitéen
• 1989–1993: varamedlem i Valkomitéen
• 1989–1993: medlem i Kyrkje- og undervisingskomitéen
• 1993–1997: medlem i i Valkomitéen
• 1993–1997: medlem i Den utvida utanrikskomitéen
• 1993–1997: medlem i Utanrikskomitéen

• Biografi på Stortinget.no

• «Hallvard Bakke» på Wikipedia på bokmål og riksmål, innhenta 4. januar 2010.
• Knut Olav Åmås [red.]: «Bakke, Hallvard» i Hvem er hvem? (Aschehoug, 2008).