Joseph Louis Lagrange

Joseph Louis Lagrange
Fødd	Giuseppe Ludovico Lagrangia 25. januar 1736 Torino
Død	10. april 1813 Paris
Nasjonalitet	Frankrike, Kongedømet Sardinia
Område	matematisk analyse, talteori, analytisk mekanikk, celestmekanikk, kalkulus, matematikk, astronomi
Yrke	matematikar, astronom, fysikar, politikar, skribent, universitetslærar
Institusjonar	École normale supérieure
Alma mater	Universitetet i Torino
Doktorgradsrettleiar	Giovanni Battista Beccaria
Ektefelle	Vittoria Conti, Adélaïde Le Monnier
Medlem	Royal Society Det prøyssiske vitskapsakademiet Kungliga Vetenskapsakademien Det franske vitskapsakademiet Vitskapsakademiet i St. Petersburg Det russiske vitskapsakademiet Accademia Nazionale delle Scienze detta dei XL Det bayerske vitskapsakademiet Royal Society of Edinburgh Det franske vitskapsakademiet Det prøyssiske vitskapsakademiet Accademia delle Scienze di Torino

Joseph Louis Lagrange (italiensk Giuseppe Lodovico Lagrangia) (25. januar 1736–10. april 1813) vert rekna som ein av dei største av matematikarane på 1700-talet. Han vart fødd i den italienske byen Torino og arbeidde både i Italia og Tyskland, men mest i Frankrike. Han døydde i Paris.

Han var direktør ved institutt for matematikk ved Berlin vitskapsakademi (1766-1787). Han utgav fleire avhandlingar om celestmekanikk, og hovudverket hans er Mêcanique analytique (1788). Her finn ein dei såkalla lagrangeske rørslelikningane for mekaniske system. Han flytta til Paris i 1793 og vart formann for komiteen som utarbeidde det metriske målesystemet.

Lagrange arbeidde òg mykje med talteori og algebra. Han gav fleire viktige bidrag til teorien for differensiallikningar, og likningsteorien hans låg til grunn for undersøkinga til Niels Henrik Abel av femtegradslikninga. Lagrange prøvde å utvikle integralrekninga, men kom ikkje fram til nokre tilfredsstillande resultat på denne oppgåva.

• Joseph Louis Lagrange hos Mathematics Genealogy Project