Lars Erik Eriksen

Lars Erik Eriksen (fødd 29. desember 1954) er ein tidlegare norsk langrennar. Han var mellom dei beste i norsk langrenn i perioden 1977 til 1984. Han representerte først Bjerke IL, seinare Nannestad Skiklubb.

Eriksen var med på det norske stafettlaget (4x10 km) som vart verdsmeistrar på heimebane i 1982, gullet vart delt med Sovjetunionen sitt lag. I same meisterskapen vann han sølvmedaljen på 30 km og bronsemedaljen på 50 km. Eriksen var og med på stafettlaget som kom på bronseplassen under VM i 1978 og stafettlaget som erobra sølvmedaljen under OL i Lake Placid to år seinare. Han vann i 1984 i Lahti sin einaste verdscupsiger. Der sigra han i sekundstrid mot Thomas Wassberg på 15 kilometeren. Eriksen vart norgesmeister fire gonger (1980, 1983 og 1984).

• 1976: Nr 13 på 50 km i Holmenkollen.
• 1977: Nr 7 på 50 km i Lahti.
• 1978: Nr 5 på 50 km og nr 8 på 30 km i VM i Lahti. Nr 4 på 30 km i Falun og på 50 km i Holmenkollen.
• 1979: Vinnar av 50 km i Lahti, nr 3 på 50 km i Holmenkollen.
• 1980: Nr 4 på 50 km i OL i Lake Placid. Nr 2 på 15 km i Lahti.
• 1981: Nr 5 på 15 km i Holmenkollen.
• 1982: Sølvmedalje på 30 km og bronsemedalje på 50 km under VM i Holmenkollen.
• 1983: Nr 6 på 15 km i Holmenkollen.
• 1984: Vinnar av 15 km i Lahti (hans einaste verdscupsiger). Nr 6 på 30 km i OL i Sarajevo. Vinnar av 15 km i Holmenkollen.
• 1985: Nr 8 på 50 km i Holmenkollen.

• 1978: Bronse (VM).
• 1980: Sølv (OL).
• 1982: Gull (VM).

• Ski-NM 1976: Nr 4 på 50 km på Oppdal
• Ski-NM 1978: Sølvmedalje på 30 km på Konnerud
• Ski-NM 1979: Sølvmedalje på 50 km i Rindal og bronsemedalje på 15 km i Steinkjer
• Ski-NM 1980: Gullmedalje på femmila i Vingrom, bronse på 30 km i Asker
• Ski-NM 1981: Bronsemdalje på 50 km på Eidsvoll
• Ski-NM 1982: Sølvmedalje på 50 km i Trondheim
• Ski-NM 1983: Gullmedalje både på 15 km og på 30 km på Lillehammer
• Ski-NM 1984: Gullmedalje på 50 km i Hof
• Ski-NM 1988: Nr 10 på 15 km på Vang

Eriksens beste samanlagtplasseringar i verdscupen var to andreplassar (1978 og 1979) og tredjeplassen i 1980. Han vart tildelt Holmenkollmedaljen i 1984 og Lahtimedaljen same sesongen.

• Sportsboken, aktuelle årgangar

• «Lars Erik Eriksen» (på engelsk). Olympedia.