Nils Pedersson Igland

Nils Pedersson Igland
	Nils Pedersson Igland
Fødd	30. april 1833; Landvik kommune
Død	25. april 1898 (64 år)
Statsborgar av	Noreg
Parti	Høgre
Yrke	politikar, bonde
Alle verv	stortingsrepresentant (1868–1870); ordførar; vararepresentant til Stortinget (1865–1867); stortingsrepresentant (1871–1873); vararepresentant til Stortinget (1874–1876); stortingsrepresentant (1877–1879); vararepresentant til Stortinget (1880–1882); stortingsrepresentant (1889–1891); stortingsrepresentant (1892–1894); stortingsrepresentant (1895–1897) ;

Nils Pedersson Igland (30. april 1833–25. april 1898) var ein norsk gardbrukar, ordførar og stortingsmann frå Landvik i Aust-Agder.

Far hans var gardbrukar på Igland, og han tok sjølv i si tid over farsgarden. Han var medlem av heradsstyret 1860-95, ordførar i 22 år. Vidare var han forlikskommissær i 18 år, amtsrevisor i 14 år og sparebankdirektør samt medhjelpar åt presten.

Igland representerte Nedenes amt på Stortinget 1868-73, 1877-79 og 1889-97. Både i 1868-69 og 1871-73 var han medlem av protokollkomiteen, medan han 1877-79 var medlem av budsjettkomiteen. Perioden 1889-97 var han medlem av Lagtinget, 1889-91 av valkomiteen, fullmaktskomiteen og vegkomiteen og 1892-97 av landbrukskomiteen.

Han døydde på garden sin i Landvik 1898.

Utmerkingar

Igland var innehavar av St. Olavs Orden.

Kjelder

Lindstøl, Tallak (1914). «Igland, Nils Pedersen». Stortinget og statsraadet: 1814-1914. Kristiania: [Steenske bogtrykkeri]. s. 423.
Biografisk informasjon om Nils Pedersson Igland NSD Norsk senter for forskningsdatas politikararkiv