Walking the Dog

«Walking the Dog» (eller «Walkin' the Dog») er ein song skriven og framført av Rufus Thomas.^[1] Han vart gitt ut i 1963 på albumet hans Walking the Dog. Det var signaturhitten hans og den største hitten hans, då han nådde tiandeplassen på Billboard Hot 100 i desember 1963 og vart verande på Hot 100 i 14 veker.^[2].

Rufus Thomas-versjonen byrjar med å sitera dei første 14 tonane av bryllaupsmarsjen til Mendelssohn frå «Ein midtsumarnatts draum». Denne versjonen er kjend for at Rufus plystrar og roper på hunden sin for å gå tur med han. Teksten har referansar til barnerim, spesielt «Miss Mary Mack».

Den einaste hit-versjonen i Storbritannia var av The Dennisons, som nådde 36. plassen på UK Singles chart i 1964 med sin versjon.^[3].

Songen vart spelt inn fleire månader seinare av The Rolling Stones i 1964. I motsetning til dei fleste Stones-innspelingane har songen harmonivokal på refrenget eine og åleine av Brian Jones (dei fleste tidlege Stones-låtane har Jones og Bill Wyman på korvokal, med Keith Richards som erstattar dei to ikkje lenge etter), noko som gjer innspelinga av songen unik i katalogen deira.

Mange andre artistar har spelt inn songen, mellom anna Aerosmith, Johnny Rivers, John Cale, Georgie Fame and the Blue Flames, Roger Daltrey, Green Day, Hans Theessink, Flamin' Groovies, The Kingsmen, The Sonics, The Lincolns, Ace Cannon, Jackie Shane, The Trashmen, Luv'd Ones, Bob Paisley and the Southern Grass og Ratt. Han vart av og til framført live av Grateful Dead i 1966, 1970 og på midten av åttitalet.